Cricket Viral Video : क्रिकेट हा असा खेळ आहे ज्या खेळात कधी कोण कसा बाजी पलटवू शकतो हे सांगता येत नाही. क्रिकेटमध्ये अनेक भन्नाट विक्रम झाले आहेत. तसात विक्रम टी 20 क्रिकेट (T20 Cricket) सामन्यावेळी झाल्याचे पहायला मिळालं. सर्वसाधारणपणे टी 20 क्रिकेटमधील 20 व्या षटकात षटकार आणि चौकारांची बरसात होत असते. या विसाव्या षटकात कोणी 6 चेंडूत 6 षटकार ठोकले तर नवल वाटणार नाही. मात्र टी 20 मध्ये 20 व्या षटकात 6 चेंडूत 6 विकेट पडल्या तर तुम्ही नक्की अवाक होणार.

नेपाळ प्रो क्लब चॅम्पियनशिपमध्ये (Nepal Pro Club Championship) असा अजब प्रकार घडला. या लीगमधील मलेशिया क्लब इलेव्हन आणि पुश स्पोर्ट्स दिल्ली या दोन क्लबमध्ये सामना सुरू होता. या सामन्यात मेलिशियाचा गोलंदाजा वीनरदीप सिंगने (Virandeep Singh) पुश स्पोर्स्ट दिल्लीचे 20 व्या षटकात तब्बल पाच फलंदाजी पॅव्हेलियनमध्ये धाडले. डावखुऱ्या फिरकी गोलंदाजाची ही शेवटची ओव्हर सध्या सोशल मीडियावर चर्चेचा विषय ठरला आहे. या षटकात एक फलंदाज धावबाद झाला.

अखेरच्या सहा चेंडूतील थरार

20 व्या षटकात वीनरदीप सिंगने पहिला चेंडू वाईड टाकला. त्यानंतर त्याने दिल्लीच्या मृगांक पाठकला बाद केले. त्यानंतर दुसऱ्या चेंडूवर इशान पांडे धावबाद झाला. तिसऱ्या चेंडूवर अनिंदो नहाराय बोल्ड झाला. चौथ्या चेंडूवर विशेष सरोहाची विकेट गेली, तोही बोल्ड झाला. षटकाच्या पाचव्या चेंडूवर जतिन सिंघल कॅच आऊट झाला. त्याचा कॅच खुद्द वीरनदीपने पकडला. षटकाच्या अखेरच्या चेंडूवर स्पर्शचा त्रिफळा उडवला.

पुश स्पोर्ट्स दिल्लाने पहिल्यांदा फलंदाजी करताना 20 षटकात 9 बाद 132 धावा केल्या. त्यानंतर मलेशिया क्लब इलेव्हनने हे टार्गेट 17.3 षटकात 3 फलंदाजांच्या मोबदल्यात पार केले. मात्र हा सामना शेवटच्या षटकामुळे इतिहासात नोंदवला गेला. डावखुऱ्या फिरकीपटूने वीरनदीप सिंगने भन्नाट गोलंदाजी करत डेथ ओव्हरचा अर्थच उलटा करून टाकला. टी 20 क्रिकेटमध्ये शेवटची षटके ही गोलंदाजांसाठी मरण असतात. मात्र वीनदीपने ते मरण फलंदाजांवर थोपले.