दुबई : ट्वेन्टी-२० विश्वकरंडक स्पर्धेतील ऑस्ट्रेलियाच्या उपांत्य फेरीतील विजयाचा यष्टिरक्षक फलंदाज मॅथ्यू वेड शिल्पकार ठरला. वेडने या सामन्यात केवळ १७ चेंडूंमध्ये ४१ धावांची धुवाधार खेळी केली व शेवटी सलग तीन षटकार ठोकत ऑस्ट्रेलियाला दिमाखदारपणे अंतिम फेरीत पोचवले; परंतु या सामन्यापूर्वी आपली ऑस्ट्रेलियन जर्सीमध्ये खेळण्याची ही शेवटची संधी असेल, असे वेडला वाटले होते. याबद्दलचे स्पष्टीकरण स्वतः वेडने सामन्यानंतरच्या पत्रकार परिषदेमध्ये दिले आहे.
‘‘मी सामन्यापूर्वी थोडा घाबरलो होतो आणि मला माहीत होते, की ऑस्ट्रेलियाचे प्रतिनिधित्व करण्याची ही माझी शेवटची संधी आहे. मला फक्त चांगली कामगिरी करायची होती आणि खरोखरच हा सामना जिंकायचा होता, जेणेकरून आम्हाला स्पर्धा जिंकण्याची संधी मिळेल. या स्पर्धेची अंतिम फेरी माझा शेवटचा सामनाही असू शकते. मी यापूर्वी म्हटल्याप्रमाणे, माझी त्यासाठीची तयारी आहे. फक्त जेव्हा मी निरोप घेतल्यानंतर माझ्या शेवटच्या खेळाकडे मागे वळून बघेन, तेव्हा नक्कीच मला स्वतःचा अभिमान वाटेल,’’ असे वेडने या वेळी म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.