T20 World Cup Team India : रोहित शर्माच्या नेतृत्वाखाली टीम इंडिया आगामी टी-20 विश्वचषक-2022 साठी गुरुवारी सकाळी ऑस्ट्रेलियाला रवाना झाली आहे. भारतीय क्रिकेट नियामक मंडळाने (बीसीसीआय) एक फोटो शेअर केला आहे ज्यामध्ये सर्व खेळाडू आणि प्रशिक्षक राहुल द्रविड देखील दिसत आहेत. रोहित शर्मा अँड कंपनीकडून यावेळी आशा आहेत की ते 15 वर्षांचा दुष्काळ संपवतील.

भारतीय संघाने शेवटचा टी-20 विश्वचषक 2007 साली जिंकला होता. तेव्हा संघाची कमान महेंद्रसिंग धोनीकडे होती. आता रोहित शर्माकडून खूप अपेक्षा आहेत. फोटो शेअर करताना बीसीसीआयने कॅप्शनमध्ये लिहिले, 'पिक्चर परफेक्ट. 16 ऑक्टोबरपासून टी-20 वर्ल्ड कपला सुरुवात होणार आहे. मात्र टीम इंडिया आपला पहिला सामना 23 ऑक्टोबरला कट्टर प्रतिस्पर्धी पाकिस्तानविरुद्ध खेळणार आहे. नुकतेच आशिया कप-2022 मध्येही दोन्ही संघ आमनेसामने आले होते.

भारतीय संघाला टी-20 विश्वचषकापूर्वी दक्षिण आफ्रिकेविरुद्ध 3 सामन्यांची एकदिवसीय मालिकाही खेळायची आहे. दक्षिण आफ्रिकेविरुद्धच्या आगामी वनडे मालिकेत रोहित शर्माच्या अनुपस्थितीत शिखर धवन संघाचे नेतृत्व करणार आहे. भारत आणि दक्षिण आफ्रिका यांच्यातील पहिला एकदिवसीय सामना 6 ऑक्टोबर रोजी लखनौ येथे खेळवला जाणार आहे. यानंतर, इतर दोन सामने रांची आणि दिल्ली येथे 9 आणि 11 ऑक्टोबर रोजी होतील.

• ICC T20 विश्वचषकासाठी असा असणार भारतीय संघ:

  रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (यष्टीरक्षक), दिनेश कार्तिक (यष्टीरक्षक), हार्दिक पंड्या, आर. अश्विन, युझवेंद्र चहल, अक्षर पटेल, भुवनेश्वर कुमार, हर्षल पटेल, अर्शदीप सिंग.

• राखीव खेळाडू

  मोहम्मद शमी, श्रेयस अय्यर, रवी बिश्नोई, दीपक चहर.