T20 World Cup Team India : टी-20 वर्ल्ड कपला आता फारच कमी दिवस बाकी आहे. ऑस्ट्रेलियात होणाऱ्या टी-20 वर्ल्ड कपसाठी भारताने आपला संघ जाहीर केला आहे. आता मिशन वर्ल्ड कपची तयारीही जोरात सुरू केली आहे. टीम इंडियाला अजून ऑस्ट्रेलिया आणि दक्षिण आफ्रिकेविरुद्ध टी-20 मालिका खेळायची आहे. कर्णधार रोहित शर्माच्या नेतृत्वाखाली टीम इंडिया 6 ऑक्टोबरला ऑस्ट्रेलियाला रवाना होणार आहे.

दक्षिण आफ्रिकेविरुद्ध 4 ऑक्टोबरला टी-20 मालिका संपल्यावर टीम इंडिया वर्ल्ड कपसाठी रवाना होणार आहे. T20 विश्वचषक संघात समाविष्ट केलेले खेळाडू दक्षिण आफ्रिकेविरुद्धच्या वनडे मालिका खेळणार नाही, त्यामुळे ऑस्ट्रेलियात लवकर जाणार आहे. रिपोर्ट्सनुसार टीम इंडियासोबत स्टँड बाय खेळाडूही ऑस्ट्रेलियाला रवाना होतील. ज्यामध्ये मोहम्मद शमी, श्रेयस अय्यर, रवी बिश्नोई आणि दीपक चहर यांचा समावेश आहे.

आयसीसी टूर्नामेंटमध्ये, संघातील 15 खेळाडू चा प्रवास आयसीसीकडूनच असतो. म्हणजेच स्टँडबाय मधील चार खेळाडूंना बीसीसीआयला स्वखर्चाने न्यावे लागेल आणि त्यांच्या राहण्याची व्यवस्थाही स्वत:च करावी लागेल. संघ व्यवस्थापनाने बीसीसीआयला उर्वरित संघासह स्टँडबाय खेळाडूंना ऑस्ट्रेलियाला पाठवण्यास सांगितले आहे. जेणेकरून सराव सामन्यादरम्यान कोणत्याही खेळाडूला काही समस्या आल्यास, स्टँडबाय खेळाडूला तात्काळ संघाशी जोडता येईल.

टीम इंडियाने याआधी ऑस्ट्रेलियाचा दौरा केला होता, त्यावेळी संघाचे अर्धा डझनहून अधिक खेळाडू जखमी झाले होते. ब्रिस्बेन कसोटीदरम्यान स्टँडबाय खेळाडूंचा प्लेइंग-11 मध्ये समावेश करण्यात आला होता.

टी20 विश्वचषकासाठी भारतीय संघ (India squads T20 World Cup 2022) -

रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, ऋषभ पंत, हार्दिक पांड्या, रवीचंद्रन आश्विन, दीपक हुडा, दिनेश कार्तिक, जसप्रीत बुमराह, हर्षल पटेल, अर्शदीप सिंह, भुवनेश्वर कुमार, युजवेंद्र चहल, अक्षर पटेल.

राखीव खेळाडू

मोहम्मद शमी, दीपक चाहर, रवी बिश्नोई आणि श्रेयस अय्यर