Hardik Pandya Wife Natasha : भारतीय क्रिकेट संघ सध्या रोहित शर्माच्या नेतृत्वाखाली आपल्या टी-20 विश्वचषक मिशनसाठी ऑस्ट्रेलियाला गेली आहे. टीम इंडियाला विश्वचषकातील पहिला सामना 23 ऑक्टोबरला मेलबर्नमध्ये पाकिस्तानविरुद्ध खेळायचा आहे. याआधी भारतीय संघ 4 सराव सामने खेळणार आहे. स्टार अष्टपैलू हार्दिक पांड्याचाही विश्वचषकासाठी संघात समावेश करण्यात आला आहे. दरम्यान हार्दिकला त्याची पत्नी नताशा स्टँकोव्हिचची आठवण येऊ लागली आहे.

हार्दिकने इन्स्टाग्राम स्टोरीवर पत्नीसोबतचा एक फोटो शेअर केला आहे. पत्नीसोबतचा फोटो शेअर करताना हार्दिकने कॅप्शनमध्ये लिहिले की, 'मिस यू'. या कॅप्शनसह पांड्याने हार्ट इमोजीही बनवला आहे. हा फोटो आधी हार्दिकची पत्नी नताशानेही इन्स्टाग्रामवर शेअर केला होता. या फोटोसोबत त्याने कॅप्शनमध्ये लिहिले की, 'मोठी गोष्ट मिसिंग आहे. नताशाने यासोबत आणखी दोन फोटो शेअर केले आहेत, ज्यामध्ये हार्दिक त्याचा मुलगा अगस्त्यला मिठी मारताना दिसत आहे.

हार्दिकचा मोठा भाऊ कृणाल पांड्या आणि त्याची वहिनी पंखुरी शर्मा यांनीही नताशाच्या फोटोवर कमेंट केली आहे. हार्दिक पांड्या सध्या टीम इंडियासाठी पहिला सराव सामना खेळत आहे. हार्दिक पांड्याने त्याचे काही फोटो इंस्टाग्रामवर शेअर केले आहेत. यामध्ये तो सराव सामन्यासाठी सज्ज होताना दिसत आहे. हार्दिक हा टीम इंडियाचा वेगवान गोलंदाज अष्टपैलू खेळाडू असून तो मधल्या फळीत संघाची ताकद आहे.