ऑस्ट्रेलियाचा मर्यादित षटकांमधील कर्णधार आरोन फिंचने ऑस्ट्रेलिया संघासाठी मोठी घोषणा केली आहे. सिंगापूरचा एक खेळाडून कांगारुंच्या ताफ्यात दाखल होणार असल्याचे संकेत फिंचने दिले आहेत.

इंग्लंडमधील आणखी एका धमाकेदार कामगिरीनंतर फिंचने मोठा फटका मारणारा फलंदाज टिम डेव्हिड विश्वचषकातील आपल्या योजनांमध्ये असल्याचे स्पष्ट संकेत दिले आहेत. काही दिवसांपूर्वी टीम डेव्हिड आयपीएल 2022 मध्ये मुंबई इंडियन्सचा भाग होता. परंतु आता तो इंग्लंडमध्ये T20 लीग खेळत आहे.

टिम डेविडने सिंगापूरकडून १४ टी २० आंतरराष्ट्रीय सामने खेळलं आहेत. मात्र, त्याने ऑस्ट्रेलियामध्ये प्रथम श्रेणी क्रिकेट अद्याप खेळलेल नाही. त्याने ओल्ड ट्रॅफर्डमध्ये केवळ २५ चेंडूवर चार चौकार आणि चार षटकार ६० धावा केल्या. त्याने लंकाशायरसाठी टी २० लीगमध्ये कमालीची कामगिरी केली.

आगामी महिन्यात ऑस्ट्रेलियाचा संघ श्रीलंका दौऱ्यावर जाणार आहे. त्याला या संघात घेतलेल नाही. मात्र, फिंच यांनी सोमवारी त्याला लवकरच संघात स्थान देणार असल्याची कबुली दिली आहे.

यंदा घरच्या मैदानावर होणाऱ्या टी-२० विश्वचषकाचा बचाव करताना अॅरॉन फिंच म्हणाला, टीम डेव्हिडसाठी गणिते सुरू आहेत. तो म्हणाला, "होय मला वाटतं. तो गेल्या काही काळापासून जबरदस्त फॉर्ममध्ये आहे. आयपीएलचे शेवटचे सामने त्याच्यासाठी खूप चांगले होते. तो मजबूत लयीत दिसला. पहिल्या चेंडूवर फटकेबाजी करण्याची क्षमता हे अत्यंत दुर्मिळ कौशल्य आहे आणि त्याने ते केले. अनेक वेळा केले आहे." अशा शब्दात त्याने टीमचे कौतुक केलं.