U-19 World Cup IND vs BAN : दक्षिण आफ्रिकेत सुरू असलेल्या 19 वर्षाखालील वर्ल्डकप स्पर्धेत गतविजेत्या भारताने विजयी सुरूवात केली. आपल्या पहिल्याच सामन्यात भारताने बांगलादेशचे आव्हान परतवून लावले. प्रथम फलंदाजी करत 251 धावा करणाऱ्या भारताने बांगलादेशला 167 धावात रोखलं. भारताने पहिला सामना 84 धावांची दणदणीत विजय मिळवला.
तत्पूर्वी, उदय सहारनच्या नेतृत्वाखाली भारतीय संघाला बांगालदेशने प्रथम फलंदाजी करण्यास सांगितले. मात्र भारताने अर्शीन कुलकर्णीला (७) लवकर गमावले. मुशीर खान (३) देखील फार काळ टिकला नाही. मात्र त्यानंतर सलामीवीर आदर्श सिंह आणि उदय सहारन यांनी डाव सावला. या दोघांनी तिसऱ्या विकेटसाठी 116 धावांची शतकी भागीदारी रचली. 32 व्या षटकात आदर्श 76 धावा करून बाद झाला.
कर्णधार सहारन यांच्यासोबत प्रियांशू मोलिया सोबत भागीदारी रचण्याचा प्रयत्न केला. मात्र बांगलादेशने चांगली गोलंदाजी केली आणि धावगती कमी झाली. सहारन 94 चेंडूत 64 धावा करून बाद झाला.
त्यानंतर अयारवेली अवनीशने 23 धावा केल्या. मोलियाची 42 चेंडूत 23 धावांची खेळी 47 व्या षटकात संपुष्टात आली. सचिन धसने नाबाद 26 धावांची चांगली खेळी करत संघाला 251/7 पर्यंत मजल मारून दिली. बांगलादेशसाठी मारुफ मृधाने चांगली गोलंदाजी केली. त्याने आठ षटकांत 43 धावा देत 5 विकेट्स घेतल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.