दुबई : क्रिकेट चाहत्यांना पुन्हा एकदा भारत आणि पाकिस्तान (India Vs Pakistan) या दोन कट्टर प्रतिस्पर्ध्यांना भिडताना पाहता येणार आहे. १९ वर्षाखालील आशिया कप २०२१ (U19 Asia Cup 2021) चे वेळापत्रक जाहीर झाले आहे. या वेळापत्रकानुसार २५ डिसेंबरला भारत पाकिस्तान यांच्यात हाय व्होल्टेज सामना रंगणार आहेत. हा सामना सकाळी ९ वाजल्यापासून सुरु होणार आहे. यंदाचा आशिया कप (Asia Cup) हा दुबईमध्ये (Dubai) खेळवला जाणार आहे. या स्पर्धेला २३ डिसेंबरपासून सुरुवात होत असून ३१ डिसेंबरला दुबई इंटरनॅशनल स्टेडियमवर होणार आहे. स्पर्धेतील सर्व सामने हे ९ वाजताच सुरु होणार आहेत. (U19 Asia Cup 2021 India Pakistan will play with each other on 25th december)

१९ वर्षाखालील आशिया कपमध्ये ग्रुप अ मध्ये भारत, (India) पाकिस्तान, (Pakistan) अफगाणिस्तान आणि युएई संघांचा समावेश आहे. तर ग्रुप ब मध्ये बांगलादेश, श्रीलंका, नेपाळ आणि कुवेत या संघांचा समावेश आहे. ग्रुप ए मधील सर्व सामने दुबईमध्ये होणार आहेत. तर ग्रुप ब मधील सर्व सामने शाहजाहमध्ये होणार आहे.

आशिया कप ( १९ वर्षाखालील ) भारताच्या सामन्यांचे वेळापत्रक (U19 Asia Cup 2021)

२३ डिसेंबर भारत विरुद्ध युएई

२५ डिसेंबर भारत विरुद्ध पाकिस्तान

२७ डिसेंबर भारत विरुद्ध अफगाणिस्तान

भारताचा आशिया कपसाठीचा १९ वर्षाखालील संघ (U19 Asia Cup 2021)

हरनूर सिंह पन्नू, अंगक्रीश रघुवंशी, अंश गोसाई, एसके रशीद, यश ढूल ( कर्णधार ) अनेश्वर गौतम, सिद्धार्थ यादव, कौशल तांबे, निशांत सिंधू, दिनेश बाना ( यष्टीरक्षक ), आराध्या यादव ( यष्टीरक्षक ), राजंगद बावा, राजवर्धन हैंगरगेकर, गर्व सांगवान, रवी कुमार, रिशिथ रेड्डी, मानव पारख, अमृत राज उपाध्याय, विक्की ओस्तवाल, वासू वत्स.