Virat Kohli t20 World Cup Record : विराट कोहलीने 2022 च्या टी-20 विश्वचषक स्पर्धेत सातत्याने चांगली कामगिरी केली आहे. भारताला दोन्ही सामने जिंकून देण्यात त्याने मोठी भूमिका बजावली आहे. जवळपास अडीच वर्षे धावांसाठी झगडणारा टीम इंडियाचा स्टार फलंदाज विराट कोहली पुन्हा फॉर्ममध्ये आला आहे. कोहलीने टी-20 वर्ल्ड कपमध्ये मोठा विक्रम केला आहे.

पर्थमध्ये दक्षिण आफ्रिकेविरुद्ध विराट कोहलीने 11 धावा पूर्ण करताच, टी-20 विश्वचषक स्पर्धेत भारतासाठी 1000 धावा करणारा फलंदाज बनला. त्याच्या सध्या 1001 धावा आहेत. विराट कोहलीशिवाय रोहित शर्मा हा भारताचा एकमेव फलंदाज आहे जो 1000 धावांच्या जवळ आहे. रोहितने 33 डावात 919 धावा केल्या आहेत. ऑस्ट्रेलियात खेळला जात असलेला सध्याचा विश्वचषक आतापर्यंत कोहलीसाठी चांगलाच राहिला आहे. कोहलीने पाकिस्तान आणि नेदरलँड्सविरुद्ध सलग दोन अर्धशतके झळकावली आहेत. मात्र, दक्षिण आफ्रिकेविरुद्ध तो फार काळ टिकला नाही आणि अवघ्या 11 धावा करून बाद झाला.

श्रीलंकेचा माजी फलंदाज महेला जयवर्धने 1016 धावांसह टी-20 विश्वचषकात पहिल्या क्रमांकावर आहे. जयवर्धनेने ही धावा 39.07 च्या सरासरीने केली आहे. ज्यामध्ये त्याने 1 शतक आणि 6 अर्धशतके झळकावली आहेत. विराट जयवर्धनेपेक्षा 15 धावांनी मागे आहे आणि टी-20 विश्वचषकात विराट ज्याप्रकारे फलंदाजी करत आहे, ते पाहता विराट दक्षिण टी-20 विश्वचषकात सर्वाधिक धावा करणारा फलंदाज बनू शकतो.