Virat Kohli IND vs ENG : भारत आणि इंग्लंड यांच्यातील दुसरा कसोटी सामना उद्या (दि. 2) विशाखापट्टणम येथे सुरू होत आहे. विराट कोहलीने पहिल्या कसोटीच्या दोन दिवस आधीच पहिल्या दोन कसोटीतून माघार घेतली होती. तो तिसऱ्या कसोटीत भारतीय संघात परतेल अशी अशा होती. मात्र याबबत बीसीसीआयकडून अजून कोणतीच माहिती समोर आलेली नाही. त्यामुळे विराट कोहली तिसऱ्या कसोटीत तरी खेळणार का? असा प्रश्न उपस्थित झाला आहे.

विराट कोहलीने पहिल्या दोन कसोटीतून माघार घेणे हे भारतीय संघासाठी चांगलेच महागात पडले. भारताला पहिल्या कसोटीत पराभवाला सामोरे जावे लागले. विराट कोहलीने पहिल्या दोन कसोटीतून माघार घेताना वैयक्तिक कराण दिलं होतं. मात्र नेमकं विराटने का माघार घेतली हे समजू शकलं नाही.

आता दुसरा कसोटी सामना उद्या सुरू होत असून अजूनही विराटने कोणत्या कारणाने माघार घेतली अन् तो कधी परतणार हे गुलदस्त्यातच आहे. विराटच्या अनुपस्थितीत भारतीय फलंदाजी कमकूवत झाल्याचं पहिल्या कसोटीत आपण पाहिलं. भारताला 28 धावांनी पराभव सहन करावा लागला.

क्रिकबझने दिलेल्या वृत्तानुसार विराट कोहली हा सध्या भारतात नाहीये. विराटच्या परदेशी जाण्याचं कारण अजून स्पष्ट झालेलं नाही. त्यामुळे विराट कोहली संघात कधी परतणार हा प्रश्न अजून अनुत्तरितच आहे.

(Sports Latest News)