Virat Kohli Post Viral : भारताचा महान क्रिकेटपटू विराट कोहली हा त्याच्या अप्रतिम खेळासाठी आणि सोशल मीडियावरील पोस्टसाठी नेहमीच चर्चेत असतो. त्याने सोशल मीडियावर शेअर केलेली कोणतीही पोस्ट लगेच व्हायरल होते.

विराटने शेअर केलेल्या पोस्ट चाहत्यांचे नेहमीच लक्ष वेधून घेतात. नुकतीच त्याने एक इन्स्टास्टोरी शेअर केली होती. या इन्स्टास्टोरीमध्ये त्याने एक फोटो शेअर केला होता. हा फोटो सोशल मीडियावर तूफान व्हायरल झाला आहे. परंतु, त्याच्या या फोटोमुळे चाहते मात्र, पुरते गोंधळात पडले आहेत.

खरे तर कोहलीने त्याच्या इन्स्टास्टोरीमध्ये ‘मॉक चिकन टिक्का’ खातानाचा फोटो शेअर केला आहे. खरे तर विराट हा मागील कित्येक दिवसांपासून शाकाहारी आहे आणि त्याने शेअर केलेला हा फोटो ‘मॉक चिकन टिक्का’ खातानाचा आहे. यासोबतच त्याने मॉक चिकन टिक्काचे भरपूर कौतुक केले आहे. मात्र, विराटचा हा फोटो पाहून चाहते मात्र, गोंधळून गेले आहे.

मॉक चिकन टिक्का आहे तरी काय?

खरं तर कोहलीने शेअर केलेला हा फोटो ‘मॉक चिकन टिक्का’ खातानाचा आहे. परंतु, खरी गंमत तर अशी आहे की, या मॉक चिकन टिक्क्यामध्ये चिकन अजिबात नसते. परंतु, याची चव अगदी नॉनव्हेज चिकन टिक्क्यासारखी लागते.

मॉक चिकन टिक्का हे सोया प्रोटीन, गव्हाचे ग्लूटेन, टेक्सचर्ड व्हेजिटेबल प्रोटीन आणि मटार प्रोटीनपासून बनवले जाते. कोहलीने खाल्लेले हे ‘मॉक चिकन टिक्का’ १००% प्लॅंट बेस्ड डिश आहे. जी हुबेहूब चिकनसारखी लागते मात्र, यात चिकन अजिबात नसते.

विराट कोहलीने २०२१ मध्ये एक पोस्ट शेअर करत स्वत:ला शाकाहारी घोषित केले होते. विराट अजिबात नॉनव्हेज खात नाही, तो आणि त्याची पत्नी अभिनेत्री अनुष्का शर्मा देखील शाकाहारी आहे.

कोहलीने ही नुकतीच शेअर केलेली मॉक चिकन टिक्काची स्टोरी पाहून चाहते थक्क झाले. कारण, कोहली नॉनव्हेज खात नाही. त्यामुळे, त्याने नॉनव्हेज खायला सुरूवात केली आहे का? असे प्रश्न त्याच्या अनेक चाहत्यांना पडले आहेत.