"क्या फेंकता है.." म्हणत भारताचा दिग्गज क्रिकेटपटू वीरेंद्र सेहवागने ऐतिहासीक कामगिरी करणाऱ्या नीरज चोप्राला आपल्या खास शैलीत शुभेच्छा दिल्या आहेत. ( World Athletics Championship)

नीरज चोप्राने वर्ल्ड एथलॅटिक्स चॅम्पियनशिपमध्ये भालाफेकीत रौप्य पदक पटकावले. त्याने 88.13 मीटर भालाफेक करत पदकाला गवसणी घातली. त्याच्या या ऐतिहासीक कामगिरीनंतर त्याच्यावर सर्व स्तरातून शुभेच्छांचा वर्षाव होताना दिसत आहे.

वीरेंद्र सेहवागने ट्विट करत नीरजला शुभेच्छा दिल्या आहेत. इतकेच नव्हे तर त्याने नीरजला खास संदेशही दिला आहे. (virendra sehwag congratulates neeraj chopra on world championships silver)

'आजपासून काही वर्षांनी तरुणांची एक पिढी येणार आहे ज्यांच्यासाठी "क्या फेंकता है" ही एक मोठी प्रशंसा ठरणार आहे, या चॅम्पियन नीरज चोप्राचे आभार. पुन्हा एकदा जागतिक अॅथलेटिक्स चॅम्पियनशिपमध्ये रौप्यपदकासह भारताला अभिमान वाटावा अशी कामगिरी.'

अशा आशयाची पोस्ट सेहवागने केली आहे. जी सध्या चर्चेत आहे.

यूजीन, यूएसए येथे सुरू असलेल्या जागतिक अॅथलेटिक्स चॅम्पियनशिपच्या भालाफेक स्पर्धेत नीरज चोप्राने ८८.१३ मीटर फेक करून रौप्य पदक जिंकले. यापूर्वी २००३ मध्ये अंजू बॉबी जॉर्जने भारतासाठी जागतिक चॅम्पियनशिपमध्ये एकमेव पदक जिंकले होते. पॅरिस येथे झालेल्या चॅम्पियनशिपमध्ये लांब उडीत त्याने कांस्यपदक पटकावले.

'आपल्या देशाच्या दिग्गज खेळाडूंपैकी एक असलेल्या नीरज चोप्राने मोठे यश संपादन केले आहे. या जागतिक ऍथलेटिक्स चॅम्पियनशिपमध्ये ऐतिहासिक रौप्य पदक जिंकल्याबद्दल त्याचे अभिनंदन. भारतीय खेळांसाठी हा खास क्षण आहे. नीरज चोप्राला त्याच्या पुढील स्पर्धेसाठी आणि भविष्यासाठी शुभेच्छा.' अशा आशयाचे ट्विट करत पंतप्रधान नरेंद्र मोदी यांनीनी नीरज चोप्राला खास शुभेच्छा दिल्या आहेत.