wasim jaffer : न्यूझीलंडविरुद्धच्या टी-20 आणि एकदिवसीय मालिकेसाठी तर बांगलादेशविरुद्धच्या एकदिवसीय आणि कसोटी मालिकेसाठी भारतीय संघाची घोषणा करण्यात आली आहे. टी-20 विश्वचषकानंतर भारत न्यूझीलंडचा दौरा करणार आहे. यादरम्यान भारतीय संघाच्या निवडकर्त्यांनी दोन देशांच्या दौऱ्यासाठी 4 संघांची घोषणा केली आहे. एकाच दिवशी 4 संघ आणि तिन्ही कर्णधारांची घोषणा पाहून वसीम जाफरला चक्कर आली आहे. खरंतर त्याने ही गोष्ट आपल्या एका मजेशीर ट्विटद्वारे सांगितली आहे.

बांगलादेश आणि न्यूझीलंडच्या दौऱ्यासाठी भारताच्या 4 संघांची घोषणा झाल्यानंतर जाफरने हेरा फेरी या बॉलीवूड चित्रपटाचा एक फोटो शेअर केला आहे. ज्यावर लिहिले की, आता मला चक्कर येत आहे. वसीम जाफरने पहिल्यांदाच इतके मजेदार ट्विट केले नाही. याआधीही तो सातत्याने असे प्रकार करत आला आहे. क्रिकेटच्या प्रत्येक मोठ्या बातम्या किंवा घटनेवर त्याने ट्विट केले आहेत.

दोन्ही संघांमध्ये तीन सामन्यांची टी-20 आणि तीन सामन्यांची एकदिवसीय मालिका खेळवली जाणार आहे. यानंतर टीम इंडिया डिसेंबरमध्ये बांगलादेश दौऱ्यावर जाणार आहे. तेथे संघ तीन सामन्यांची एकदिवसीय मालिका आणि दोन सामन्यांची कसोटी मालिका खेळणार आहे. या दोन्ही दौऱ्यांसाठी निवड समितीने सोमवारी भारतीय संघ जाहीर केला.