India's Test Squad For England Series : भारत आणि इंग्लंड यांच्यातील कसोटी मालिकेतील पहिला सामना हैदराबादमध्ये खेळला जात आहे. टीम इंडियाने मालिकेतील पहिल्या दोन सामन्यांसाठी आवेश खानलाही संधी दिली होती. आवेशचा देशांतर्गत क्रिकेटमध्ये चांगला रेकॉर्ड आहे. पण भारतीय क्रिकेट नियामक मंडळाने हैदराबाद कसोटीपूर्वी त्याला सोडले आहे. वृत्तानुसार, आवेशला रणजी ट्रॉफीसाठी सोडण्यात आले आहे. तो रणजीमध्ये मध्य प्रदेशकडून खेळतो.

आवेश खान भारताकडून टी-20 आणि एकदिवसीय सामने खेळला आहे. आता त्याला कसोटीत पदार्पण करण्याची संधी मिळणार होती. मात्र त्यापूर्वीच भारतीय क्रिकेट नियामक मंडळाने त्याला सोडले आहे. मात्र, तो लवकरच परत येऊ शकतो.

आवेशने भारतासाठी 8 वनडे सामन्यात 9 विकेट घेतल्या आहेत. त्याने 20 टी-20 सामन्यात 19 विकेट घेतल्या आहेत. आवेशला भारताच्या 16 सदस्यीय संघात स्थान मिळाले. मात्र आता त्याला कसोटी संघातून मुक्त करण्यात आले आहे.

आवेशला रणजी ट्रॉफीसाठी सोडण्यात आले आहे. रणजी ट्रॉफी 2023-24 मधील मध्य प्रदेशचा पहिला आणि दुसरा सामना अनिर्णित राहिला होता. संघाने तिसऱ्या सामन्यात दिल्लीचा 86 धावांनी पराभव केला.

याआधी विराट कोहलीने पहिल्या दोन कसोटी सामन्यांमधून विश्रांती घेण्याचा निर्णय घेतला होता. वैयक्तिक कारणांमुळे तो हैदराबाद कसोटीत खेळत नाहीये. कोहलीच्या जागी टीम इंडियाने रजत पाटीदारचा संघात समावेश केला आहे. मात्र, पाटीदारला प्लेइंग इलेव्हनमध्ये स्थान मिळालेले नाही.