India vs West Indies 4th T20 : भारत आणि वेस्ट इंडिज यांच्यात सुरू असलेल्या पाच सामन्यांच्या T20I मालिकेत टीम इंडियाने 2-1 आघाडी घेतली आहे. भारताने तिसरा सामना 7 गडी राखून जिंकून ही आघाडी घेतली. या सामन्यात कर्णधार रोहित शर्मा पाठीच्या दुखापतीमुळे 5 चेंडूत केवळ 11 धावा करून निवृत्त झाला. पण आता बीसीसीआयने रोहितच्या फिटनेसबाबत अपडेट देत चाहत्यांना दिलासा देणारी बातमी दिली आहे.

भारतीय क्रिकेट नियामक मंडळाने आपल्या अधिकृत ट्विटर अकाऊंटवर हिटमॅनच्या सराव सत्राचे काही फोटो पोस्ट केले आहे. या फोटोमध्ये रोहित शर्मा फलंदाजी करताना दिसत आहे, तर ऋषभ पंत त्याला नेटबाहेर उभा पाहत आहे. भारतीय क्रिकेट नियामक मंडळाने सांगितले होते की, कर्णधार रोहित शर्माला पाठीच्या दुखण्याने त्रस्त आहे. आता तो बरा झाला असून पुढील दोन सामन्यांसाठी तो तंदुरुस्त असल्याचे कळत आहे. तिसऱ्या सामन्यात भारताचा कर्णधार रोहित शर्माला फलंदाजी करताना दुखापत झाली होती. तो 11 धावांवर असताना त्याच्या पाठीचा स्नायू दुखावला. त्याला मैदान देखील सोडावे लागले.

या मालिकेतील शेवटचे दोन सामने अमेरिकेत खेळवले जाणार असून भारत आणि वेस्ट इंडिजचे संघ व्हिसाच्या समस्येनंतर तेथे पोहोचले आहेत. चौथा T20 आज म्हणजेच 6 ऑगस्टला खेळवला जाईल, तर शेवटचा सामना 7 ऑगस्टला खेळवला जाईल.

भारतीय संघ :

रोहित शर्मा, सूर्यकुमार यादव, श्रेयस अय्यर, दीपक हुड्डा, हार्दिक पांड्या, ऋषभ पंत, इशान किशन, दिनेश कार्तिक, संजू सॅमसन, रविंद्र जडेजा, अक्षर पटेल, रविचंद्रन अश्विन, रवी बिश्नोई, कुलदीप यादव, अर्शदीप सिंह, आवेश खान, भुवनेश्वर कुमार, हर्षल पटेल.