भारतासह जगभरातील महिला क्रिकेटपटूंसाठी आजचा दिवस ऐतिहासिक आहे. मात्र, पाकिस्तान महिला संघाला या दिवसाची वाट पाहावी लागणार आहे. जगातील सर्वात मोठ्या महिला टी 20 लीग वुमन प्रीमियर लीगच्या पहिल्या हंगामासाठी आज मेगा लिलाव पार पडत आहे. मात्र, यामध्ये पाकच्या महिला संघाला स्थान नाही. यामुळे पाकिस्तानची कर्णधार बिस्माह मारूफने खंत व्यक्त केली आहे. (Womens Premier League auction 2023 Bismah Maroof Pakistan Women cricket team )

महिला टी 20 लीग वुमन प्रीमियर लीगच्या पहिल्या हंगामासाठी सुरु असलेल्या लिलावात भारतीय खेळाडूंवर पैशाचा पाऊस पडला. पण पैसे सोडा, मैदानात उतरण्याची संधीही पाकिस्तानला नाही. यावर भाष्य करताना कर्णधार मारूफने मोठं वक्तव्य केलं आहे.

काय म्हणाली कर्णधार मारुफ?

'आम्ही पाकिस्तान म्हणून, तुम्हाला माहिती आहे की आम्हाला लीगमध्ये खेळण्याच्या फारशा संधी मिळत नाहीत. ही सर्वांत वाईट गोष्ट आहे. आणि जे आमच्यासोबत घडतय ते आम्हाला आवडत नाही. आणि साहजिकच आम्हाला लीगमध्ये मिळालेली प्रत्येक संधी खेळायला आवडेल, परंतु आम्ही कोणत्या गोष्टी ठरवु शकत नाही.

वुमन प्रीमियर लीग (WPL) च्या पहिल्या हंगामात पाच संघ आहेत. आज या 5 फ्रेंचायजी आपल्या संघाला मूर्त स्वरूप देणार आहे. लिलावासाठी सर्वोच्च बेस प्राईस ही 50 लाख ठेवण्यात आली असून प्रत्येक संघाला 12 कोटी रूपये खर्च करण्याची मुभा असणार आहे.