Bajrang Punia Return Padma Shri Award : भारतीय कुस्ती महासंघाचे अध्यक्ष म्हणून ब्रिजभूषण शरण सिंह यांच्या जवळचे मानले जाणारे संजय सिंह यांची निवड झाली. त्यानंतर आंदोलक कुस्तीपटूंनी यावर टोकाचे पाऊल उचलले आहे.
साक्षी मलिकने कुस्ती सोडण्याची घोषणा केली तर आता बजरंग पुनियाने प्रतिष्ठित पद्म पुरस्कार पंतप्रधान नरेंद्र मोदींकडे परत पाठवत असल्याचे जाहीर केले. त्याने ही माहिती ट्विट करून दिली. त्यानंतर तो पुरस्कार परत करण्यासाठी जात असताना त्याला पोलिसांनी कर्तव्य पथवर अडवले.
ब्रिजभूषण शरण सिंह यांच्याविरूद्ध भारताच्या महिला कुस्तीपटूंनी लैंगिक शोषणाचा आरोप करत केलेल्या आंदोलनाला बजरंग पुनियाने शेवटपर्यंत पाठिंबा दर्शवला. भारतीय कुस्ती महासंघाचे अध्यक्ष म्हणून संजय सिंह यांची निवड झाल्यानंतर टोकियो ऑलिम्पिकमध्ये पदक जिंकणाऱ्या बजरंग पुनियाने पंतप्रधान नरेंद्र मोदी यांना पत्र लिहलं. हे पत्र सोशल मीडियावरून शेअर केलं.
या ट्विटला मी माझा पद्मश्री पुरस्कार हा पंतप्रधान नरेंद्र मोदी यांना परत करत आहे. सांगायला हे फक्त माझं पत्र आहे. हे माझं स्टेटमेंट देखील आहे.'
तीन पानाच्या या भल्यामोठ्या पत्रात बजरंगने आंदोलनाचा घटनाक्रम, सरकारमधील मंत्र्यांची आश्वासने, गृहमंत्र्यांची भेट आणि त्यानंतर झालेली WFI ची निवडणूक या सर्वांचा उल्लेख केला आहे.
याचबरोबर ब्रिजभूषण यांच्या दबदबा हैं दबदबा रहेगा या वक्तव्याचा देखील उल्लेख करत बजरंगने सरकारने दिलेले पुरस्कार कसे बोचत आहेत हे सांगितले.
बजरंग पुनियाला 2019 मध्ये पद्मश्री पुरस्कार देण्यात आला होता. हा भारताचा चौथा सर्वोच्च नागरी पुरस्कार आहे. तत्कालीन राष्ट्रपती रामनाथ कोविंद यांच्या हस्ते हा पुरस्कार देण्यात आला होता. याच वर्षी बजरंग पुनियाला खेल रत्न पुरस्कार देखील मिळाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.