PAK vs ZIM Mr Bean Rivelary : टि-२० वर्ल्डकपमध्ये आज पाकिस्तान विरुद्ध झिम्बाब्वे (Pakistan VS Zimbabwe) खेळला गेला या रोमांचक सामन्यात झिम्बाब्वेने पाकिस्तानचा एक धाव राखून पराभव केला, टी 20 वर्ल्डकप 2022 ग्रुप 2 मधील सामन्यात पाकिस्तानने झिम्बब्वेला 130 धावात रोखले. मात्र झुंजार झिम्बाब्वेने पाकिस्तानच्या फलंदाजीमधील मर्यादा दाखवून देत एक धावेने पराभव करत मोठा धक्का दिला. या पराभवानंतर चर्चा होतेय ते बदला घेतल्याची..

झिम्बब्वेने सामना जिंकताच सोशल मिडीयावर पाक बीन (Pak Bean) ट्रेंड करु लागले. झिम्बाब्वेने त्या फेक मिस्टर बीनचा बदला घेतला असल्याचे देखील काहीनी म्हटले. चला तर मग हे नेमकं प्रकरण काय आहे ते जाणून घेऊया.

खरंतर या सगळ्याची सुरुवातीला पाकिस्तान क्रिकेट बोर्डाच्या ट्विटने होते. मंगळवारी पाकिस्तान क्रिकेट बोर्डाने (पीसीबी) एक ट्विट केले. यामध्ये झिम्बाब्वेसोबतच्या सामन्यापूर्वी संघाच्या सराव सत्रातील काही छायाचित्रे शेअर केली होती. या ट्विटला उत्तर देताना Ngugi Chasura नावाच्या एका ट्विटर यूजरने लिहिले की, 'झिम्बाब्वेचे नागरिक म्हणून आम्ही तुम्हाला कधीही माफ करणार नाही. एकदा तुम्ही खऱ्या मिस्टर बीन ऐवजी बनावट पाक बीन दाखवला होता. याबद्दल उद्या मैदानावर पाहूण घेऊ. उद्या पाऊस तुम्हाला वाचवेल अशी प्रार्थना करा.'

याला उत्तर देताना सॅम पाकिस्तानी नावाच्या व्यक्तीने विचारले काय झाले भाई? उत्तरात न्गुगी चासुराने लिहिले की, आमचा स्थानिक कार्यक्रम 'अॅग्रिकल्चर शो'मध्ये खऱ्या बीनऐवजी त्यांनी पाकिस्तानची बनावट बीन दाखवला होता. एका यूजरने विचारले की ही पाक बीन कोण आहे? यावर न्गुगी चासुराने पाक बीनचा फोटो शेअर केला. यात एक माणूस आहे जो हुबेहुब मिस्टर बीनसारखा दिसतो. त्यानंतर या पाकिस्तानी बनावट मिस्टर बीनचे अनेक व्हिडिओ फोटो शेअर करण्यात आले आहेत.

आज झिम्बाब्वेने या फेक मिस्टर बिनचा पुरता बदला घेतला असल्याचे अनेक सोशल मिडीया युजर म्हणत आहेत. सोशल मिडीयावर या सामन्यानंतर याबद्दलच्या मीम्सचा महापूर आला आहे. अनेक दिग्गजांनी देखील या मीम्स शेअर केल्या आहेत. कॉमिडीयन वरून ग्रोवर यांनी ट्विट करत झिम्बाब्वेने मिस्टर बीनचा बदला घेतल्याचे म्हटले आहे.

सोशल मिडीयावर लोक मजेशीर मीम्स पोस्ट करत आहेत.