जगाचं फुफ्फुस म्हणून ओळखल्या जाणाऱ्या अ‍ॅमेझॉन जंगल पुन्हा संकटात सापडले आहे. मोठमोठ्या फॅशन ब्रॅंडसमुळे अ‍ॅमेझॉनच्या जंगलात बेसुमार वृक्षतोड होते आहे. एका नवीन संशोधनातून ही बाब पुढे आली आहे, सोमवारी प्रसिद्ध झालेल्या या अहवालात सीमाशुल्क डेटाच्या जवळपास 5,00,000 पृष्ठांचे विश्लेषण करण्यात आले. त्यात कोच, LVMH, Prada, H&M, Zara, Adidas, Nike, New Balance, Teva, UGG आणि Fendi सारखे ब्रँड्स अ‍ॅमेझॉनमध्ये जंगलतोड करत आहेत, असे दिसते आहे.

50 पेक्षा जास्त ब्रँड्सचे अनेक सल्पाय चेन असून त्यात एका ब्राझिलियन लेदर निर्यात करणाऱ्या प्रसिद्ध कंपनीचा समावेश आहे. हे सर्व मोठ्या प्रमाणात येथील वृक्षतोड करत आहेत. यात JBS कंपनीचा मोठा सहभाग आहे. महत्वाचे म्हणजे कंपनीने अलीकडेच 2035 पर्यंत त्याच्या जागतिक पुरवठा साखळीत शून्य जंगलतोड करण्याचे वचन घेतले आहे. याबाबात द गार्डीयनने वृत्त प्रकाशित केले आहे.

हा अभ्यास पुरवठा साखळी संशोधन संस्था असलेल्या स्टँड अर्थ ने केला आहे. निष्कर्ष आश्चर्यकारक आहेत, कारण सर्वेक्षण केलेल्या अनेक ब्रँड्सनी अलीकडेच जंगलतोडीला हातभार लावणाऱ्या कलाकारांपासून स्वतःला दूर ठेवण्यासाठी धोरणे जाहीर केली आहेत. पशु उद्योगसंस्था या अ‍ॅमेझॉन रेनफॉरेस्ट जंगलतोडीत आघाडीवर असल्याचे संशोधनात दिसून आले आहे. कारण फॅशन उद्योग हा चामड्यावर बहुतांश आधारलेला असतो.

हे आहेत ब्रॅंड्स

कोच, LVMH, Prada, H&M, Zara, Adidas, Nike, New Balance, Teva, UGG आणि Fendi

अहवालात नमूद केलेल्या 84 कंपन्यांपैकी 23 कंपन्यांची जंगलतोडीबाबत स्पष्ट धोरणे होती. याच कंपन्या त्यांच्या धोरणांचे उल्लंघन करत आहेत, उदाहरणार्थ, फॅशन हाऊस LVMH मुळे Amazon ला सर्वात जास्त धोका असल्याचे आढळून आले . त्यांनी या वर्षाच्या सुरुवातीला युनेस्कोसोबत या जंगलाचे संरक्षण करण्याचे वचन दिले होते. अँजेलिन रॉबर्टसन या संशोधिकेने, गार्डियनला सांगितले की तिला आशा आहे की फॅशन उद्योग त्यांच्या विश्लेषणातून संकेत घेईल आणि वृक्षतोड होण्यापासून जंगलाला वाचवेल. सध्याच्या काळात फॅशन विश्वाला तगायचे असेल तर ही संधी आहे. मुख्य कार्यकारी आणि स्लो फॅक्टरीचे सह-संस्थापकCéline Semaan, , म्हणाले की ब्रँड्सनी ग्वाटेमाला किंवा मेक्सिको सारख्या ठिकाणी जंगलतोड करण्यास हातभार लावण्याची संधी म्हणून याचा वापर करू नये, पण पर्याय शोधून काढून तेथे गुंतवणूक करावी.