Tips of Nail paints : प्रत्येक महिलेला नेलपॉलिश लावायला आवडते. सणसमारंभ असो किंवा अगदी रोज ऑफिस, कॉलेजला जाताना नेलपॉलिश लावणं असो, पण त्याविषयी एक वेगळं आकर्षण महिलांमध्ये नक्कीच जाणंवतं.

अगदी दोन मिनीटांत नेलपॉलिश नखांवर लावली जात असली तरी ती सुकणं हा मोठा वेळखाऊ भाग असतो. जर चुकून ओल्या नेलपॉलिशवर काही लागलं किंवा तो हात कशावर लागला तर सगळी मेहनत पाण्यात जाते आणि नेलपॉलिश खराब होते. या त्रासापासून वाचण्यासाठी या टिप्स फॉलो करा.

टिप्स

वॅसलिनचा वापर करा

नेलपॉलिश लावण्यापूर्वी नखाभोवती व्हॅसलीन लावा. यामुळे नेलपॉलिश बोटांना चिकटणार नाही.

नेल पॉलिशचा वापर रिमूव्हर म्हणून करा

रिमूव्हर नसेल तर जुन्या नेलपॉलिशवर ताज्या नेलपॉलिशचा कोट लावून लगेच पुसून टाका. यामुळे जुनी नेलपॉलिशची शेड निघून जाईल.

थंड पाण्याची जादू

नेलपॉलिश सुकवायला वेळ नसेल तर लावल्यानंतर थंड पाण्यात बोटे बुडवा. यामुळे ते पटकन सुकून जाईल.

ब्लो ड्रायचा वापर

कोल्ड सेटिंगवर ब्लो ड्रायर चालवून तुम्ही तुमचे नेलपॉलिश वेगाने सुकवू शकता.

फॉयलचा वापर.

घरी जेल मॅनिक्युअर काढण्यासाठी, रिमूव्हरमध्ये भिजवलेले कापसाचे गोळे नखांवर लावा आणि फॉइलने झाकून अर्धा तास सोडून द्या.

निलगिरीच्या तेलाची जादू

तुमची आवडती नेलपॉलिश सुकली असेल तर त्यात निलगिरीच्या आवश्यक तेलाचे काही थेंब टाका. म्हणजे ते पुन्हा वापरता येईल.

गरम पाण्याची कमाल

नेलपॉलिशचे झाकण उघडत नाही का?, एक कप गरम पाण्यात नेलपॉलिशची बॉटल काही वेळ तशीच ठेवा. ती काही काळाने उघडेल.

नीट स्टोअर करा

आवडत्या नेलपॉलिशची शेड जास्त काळ वापरण्यासाठी फ्रीजमध्ये तशीच ठेवा.