Breast Cancer :

जगाच्या कोपऱ्यात असे आजार बाहेर पडत आहेत ज्याचा आपण कधीही विचार करू शकत नाही. कोरोना, झोम्बी यासारखे भयानक रोग येऊन गेल्यानंतर महिलांमध्ये एका रोगाची साथ वाढली आहे. कारण, अलिकडेच केलेल्या एका सर्व्हेक्षणात २०४० पर्यंत लाखो महिलांचा मृत्यू होणार असल्याचा धक्कादायक दावा करण्यात आला आहे.

जगभरात स्तनाच्या कर्करोगाचे प्रमाण झपाट्याने वाढत आहे. महिलांमध्ये आढळणारा हा कर्करोगाचा एक गंभीर प्रकार आहे, ज्यामुळे दरवर्षी लाखो महिलांचा मृत्यू होतो. स्त्रियांमध्ये वाढती लठ्ठपणा, रेडिएशनच्या संपर्कात येणे आणि वाईट लाइफस्टाइलमुळे ही समस्या उद्भवते.

अलीकडेच, लॅन्सेटच्या अहवालात असे दिसून आले आहे की २०४० पर्यंत, स्तनाच्या कर्करोगामुळे लाखो लोकांचा मृत्यू होऊ शकतो. लॅन्सेट कमिशनच्या मते, गेल्या काही वर्षांत स्तनाचा कर्करोग हा एक सामान्य कर्करोग झाला आहे.

या अहवालानुसार, कमी उत्पन्न असलेल्या देशांतील लोकांना या समस्येचा अधिक सामना करावा लागू शकतो. २० ते ३० टक्के स्त्रिया ज्यांना स्तनाच्या कर्करोगाचे लवकर निदान झाले आहे त्यांना पुन्हा हा आजार जडण्याची समस्या उद्भवू शकते. (Breast Cancer)

स्तनांच्या कर्करोगाची लक्षणे काय आहेत?

1. स्तनावर गाठी होऊ शकतात.

2. स्तनामध्ये सूज येऊ शकते.

3. कधीकधी स्तनाच्या आकारावरही परिणाम होऊ शकतो.

4. निप्पलच्या आसपासच्या भागात वेदना जाणवू शकतात.

5. तुम्हाला स्तनाग्रांमधून द्रव किंवा रक्तस्त्राव होण्याची शक्यता असते. (Breast Cancer Symptoms)

अशी काळजी घ्या

• स्तनाचा कर्करोग टाळण्यासाठी सर्वप्रथम तुम्हाला तुमचा आहार आणि जीवनशैली सुधारणे आवश्यक आहे.

• हा कर्करोग टाळण्यासाठी शारीरिक हालचाली वाढवा आणि नियमित व्यायाम करा.

• यासाठी वेळोवेळी मॅमोग्राम चाचणी करत रहा.

• स्तनांच्या कर्करोगापासून दूर राहण्यासाठी ड्रिंक्स पासून दूर राहणे आणि वजनावर नियंत्रण ठेवणे चांगले राहील.