जर तुम्हाला कधी एअरपोर्टवर फ्लाईटची वाट पाहायची वेळ आली असेल तर तुम्हाला नक्कीच माहित असेल की हा अनुभव कसा असतो. विमानतळावर तुम्हाला सर्व प्रकारचे लोक पाहायला मिळतात. काही प्रवासी आपल्या पहिल्या विमान प्रवासासाठी खूप उत्साही असतात तर काही मस्तपणे खाऊन-पिऊन शॉपिंग करताना दिसतात. पण काही प्रवाशांना लवकरात लवकर आपल्या फ्लाईटमध्ये बसायचे असते. पण तुम्ही कधी अशी व्यक्तीबाबत ऐकले नसेल की जी विमानतळावर राहते.
एका चायनिज व्यक्तीला ज्याला कुटुंबापासून दूर राहायचे होते, त्यासाठी तो मागील १४ वर्षांपासून बिजिंग इंटरनॅशनल एअरपोर्टवर राहत होता. या व्यक्तीचे नाव Wei Jianguo आहे. तो बीजिंगमधील रहिवासी आणि २००८ मध्ये आपल्या बायकोसोबत भांडण करून त्याने घर सोडले होते. तेव्हापासून बीजिंग कॅपिटल इंटरनॅशनल एअरपोर्टत्याचे घर आहे. या एअरपोर्टवल ३ टर्मिनल आहे आणि तो टर्मिनल २ वर राहतो पण, सुरूवात काही दिवस रेल्वे स्टेशनवर देखील झोपला होता.
या बेरोजगार व्यक्तीला एअरपोर्टवर राहायला खूप आवडते. तो सांगतो की, येथे तो स्वत:च्या मर्जीने खाऊ किंवा पिऊ शकतो. त्यांनी चायना डेलीसोबत बोलताना सांगितले की, मी घरी परत जाणार नाही कारण तिथे मला कोणतेही स्वातंत्र्य नाही. माझ्या कुटुंबाने मला सांगितले की, मला घरात राहायचे असेल तर मला सिगारेट आणि दारू पिणे सोडावे लागेल जर मी असे केले नाही तर मला दर महिन्याला मिळणारे १ हजार युआन(साधारण १२ हजार रुपये) सरकारी त्यांना दयावा लागेल, मग मी स्वत:साठी सिगारेट आणि दारू कसे खरेदी करू शकेल?
हा व्यक्तीचे घर एअरपोर्टपासून साधारण १९ किमी दूर आहे.
घरातून आणलेल्या इलेक्ट्रिक कुकरच्या मदतीने त्या व्यक्तीने आपले छोटेसे स्वयंपाकघरही तयार केले आहे. त्याच्या आवडीचे खाद्यपदार्थ खरेदी करण्यासाठी तो विमानतळावर फिरत असे. त्याने सांगितले की, त्याला कामावरून काढून टाकण्यात आले होते आणि दर महिन्याला सरकारी मिळत होती जी साधारण1,000 युआनचे एवढी होती.
वेई जिआंगुओ विमानतळावर राहणारा एकटा नाही. इराणमधील Mehran Karimi Nasseri हे रिफ्यूजी होते, जे aris Charles de Gaulle टर्मिनलमध्ये 18 वर्षे राहत होते.