Hair Care: तुमचे केस कुरळे आहेत म्हणून तुम्हाला आवडत नाहीत काय? आणि कुरळ्या केसांना कंटाळून तुम्हाला सतत त्यांना स्ट्रेट करण्याची इच्छा होते. मात्र ते तुमच्या आरोग्यासाठी किती गंभीर ठरू शकतं याची कल्पना तुम्हाला आहे काय. नुकत्याच झालेल्या संशोधनात केस सरळ करणे म्हणजेच आजच्या स्टाईलनुसार हेअर स्ट्रेटनिंगसाठी वापरण्यात येणाऱ्या केमिकलमुळे कँसरचा धोका वाढतो. संशोधनातून हे स्पष्ट झाले आहे. त्यामुळे तुम्हीही जर का तुमचे कुरळे केस स्ट्रेट करण्याच्या विचारात असाल तर तुमच्या आरोग्याचा दोनदा विचार करा.

अमेरिकमध्ये दुर्मिळ आणि धोकादायक गर्भाशयाच्या कँसरची प्रकरणं वाढताना दिसताय. १५ वर्षाआधी हा आकडा ३९ हजार केसेसमध्ये होता. मात्र आता हा आकडा वाढून ६६ हजारांवर गेलाय. जर्नल ऑफ नॅशनल कॅन्सर इन्स्टिट्यूटमध्ये नुकत्याच झालेल्या संशोधनानुसार, ज्या महिला नियमितपणे केमिकल हेअर स्ट्रेटनर वापरतात त्यांना या कँन्सर सारख्या गंभीर आजाराचा धोका वाढतो.

संशोधकाच्या मते, ज्या लोकांनी केस स्ट्रेटनिंग कधीच केले नाही त्यात वयाच्या ७० व्या वर्षी गर्भाशयाच्या कँसर होण्याचा धोका १.६४ टक्के होता. तर ज्या मुली हेअर स्ट्रेटनिंग करत असतात त्यांच्यात हे प्रमाण ४.०५ टक्के दिसून आलं. त्यामुळे कर्ली म्हणजेच कुरळे केस असलेल्या मुलींनी हेअर स्ट्रेटनिंग शक्यतोवर टाळावी.

हेअर स्ट्रेटनिंगमध्ये या केमिकल्सचा समावेश असतो

शास्त्रज्ञांकडून झालेल्या अभ्यासात एकंदरीत असे दिसून आले आहे की हे स्ट्रेटनर स्त्रियांमध्ये हार्मोनशी संबंधित कॅन्सरचा धोका वाढवू शकतात. संशोधनानुसार पॅराबेन्स, बीपीए (बिस्फेनॉल-ए), धातू, फॉर्मल्डिहाइड यासारख्या स्ट्रेटनरमध्ये आढळणारी अनेक केमिकल्स गर्भाशयाच्या कॅन्सर होण्यास जबाबदार ठरू शकतात.