Diet For Healthy Eyes :  लहान मुले असोत की प्रौढ व्यक्तीची दृष्टी कोणत्याही वयात खराब होऊ लागते. परंतु, काही सामान्य कारणांबद्दल बोलायचे झाल्यास, यामध्ये जास्त टीव्ही पाहणे, मोबाईल किंवा कॉम्प्युटर स्क्रीनसमोर बसणे आणि आहारात पोषक तत्वांची कमतरता यांचा समावेश होतो. 

यावेळी काही खाद्यपदार्थांचे सेवन डोळ्यांची दृष्टी सुधारण्यासाठी फायदेशीर ठरू शकते. या पदार्थांमधून डोळ्यांना आवश्यक असलेली सर्व पोषकतत्त्वे मिळतात. हे डोळ्यांना जीवनसत्त्वे, ओमेगा -3 फॅटी ऍसिडस्, व्हिटॅमिन ई, व्हिटॅमिन सी, व्हिटॅमिन ए आणि जस्त तसेच अँटी-ऑक्सिडंट्स प्रदान करतात. (Eye Diet In Marathi)

ब्रोकोली

व्हिटॅमिन सी आणि अँटी-ऑक्सिडंटने समृद्ध, ब्रोकोली व्हिटॅमिन एचा एक चांगला स्रोत आहे. हे विशेषतः वय संबंधित डोळ्यांच्या समस्या दूर करते. ब्रोकोली सॅलड, भाजी किंवा सूपमध्ये घालून खाऊ शकतो.

रताळे

शरीरासाठी निरोगी अन्नपदार्थांमध्ये रताळ्याचा उल्लेख केला जातो. रताळ्यामध्ये बीटा कॅरोटीन देखील असते आणि हे देखील डोळ्यांसाठी फायदेशीर आहे. रताळ्यामध्ये असलेले बीटा कॅरोटीन डोळ्यांना कमी प्रकाशाशी जुळवून घेण्यास मदत करते.

केशर

आरोग्यापेक्षा केशरचा उपयोग सौंदर्य वाढवण्यासाठी केला जातो तर केशर आरोग्य चांगले ठेवण्यासाठी देखील खूप फायदेशीर आहे. केशर डोळ्यांचे रक्षण करते आणि दृष्टी सुधारण्यास देखील मदत करते. याशिवाय डोळ्यांचे आजार होण्याची शक्यताही कमी असते.

अंडी

अंड्यातील पिवळ बलक विशेषतः दृष्टी सुधारण्यासाठी प्रभावी आहे. त्यामध्ये ल्युटीनचे प्रमाण चांगले असते जे मॅक्युलर रोग कमी करते. यामुळे डोळ्यांना फायदा होतो आणि वयाबरोबर डोळे कमजोर होण्याची समस्याही कमी होते.