मुलींना फॅशनच्या बाबतीत नेहमीच अव्वल राहायचे असते, त्यामुळे त्यांच्याकडे विविध प्रकारच्या आउटफिट कलेक्शन असतात. फॅशनचं ट्रेंड दरदिवशी बदलत असते. अशात ट्रेंडीग फॅशनमध्ये स्वत:ला अपडेट ठेवणे खूप गरजेचं असतं. प्रत्येकाला सुंदर आणि वेगळं दिसण्याची इच्छा असते.

यासाठी अनेकजण वेगवेगळ्या प्रकारच्या फॅशन टिप्स देखील फॉलो करतात. मात्र वाढत्या वयासोबत फॅशन करणे आणखी कठीण होतं.

पन्नाशीनंतर फॅशनेबल ट्रेंडला फॉलो करणे हे एक आव्हान असतं. पण काही टिप्स फॉलो करुन तुम्ही कोणत्याही वयात स्टायलिश दिसू शकता. चला तर जाणून घेऊया या टिप्स. 

रेड लिपस्टिकचा वापर करा

बोल्ड लुक आपल्या फॅशनला हॉलीवुड इफेक्ट देतो. जर तुम्ही तुमच्या फॅशन मध्ये रेड लिपस्टिकचा समावेश कराल तर तुमचा लुक खूप सुंदर दिसू शकतो. रेड लिपस्टिक तुमच्या चेहऱ्यावर तेज आणते.

स्टायलिश आणि मोठ्या नेकलेसचा वापर करा

तुम्ही अनेकदा पार्टींमध्ये सेलिब्रिटींना मोठमोठे नेकलेस घातलेले बघितले असेल कारण असे नेकलेस तुमच्या लुकला अधिक आकर्षित बनवतात. स्टायलिश नेकलेस सहसा लोकांच्या नजरेत येतात. त्यामुळे स्टायलिश नेकलेस आवडीने घाला.

पांढऱ्या रंगाची पॅंट घाला

ब्लॅक पँट खूप जूना फॅशन ट्रेंड आहे. जर तुम्हाला हजारो लोकांमध्ये उठून दिसायचंय तर काळ्या पँट ऐवजी पांढरी पँट घाला. तुम्ही पांढऱ्या रंगाची जीन्स किंवा बेल बॉटम पँटपण घालू शकता.

प्लेन शर्ट किंवा ब्लाउज घाला

स्टाइलिश सेट मध्ये पांढऱ्या रंगाचा सेट असणं गरजेचं आहे. पांढरं शर्ट किंवा ब्लाउज तुम्हाला अभिनेत्रीसारखा लूक देतो.