Dombivli MIDC Blast: मुंबईतील डोंबिवलीमधील एमआयडीसीमध्ये एका कंपनीला भीषण आग लागली आहे. ही आग एमआयडीसी फेज दोनमध्ये लागली आहे अशी प्राथमिक माहिती मिळाली आहे. स्फोटामुळे आजुबाजूच्या घरामधील काचा फुटल्या आहेत. घटनास्थळी अग्निशमन दलाच्या सहा गाड्या घटनास्थळी दाखल झाल्या असून जखमींवर उपचार सुरू आहे. आग आटोक्यात आणण्यासाठी माहिती सर्वांना असणे आवश्यक आहे. यासाठी कोणत्या गोष्टी लक्षात ठेवाव्या हे जाणून घेऊया.

कोणत्या गोष्टी करू शकता

जर आग लागली असेल तर घाबरून नका. आग लागली घाबरून न जाता स्वत:च्या मानाला शांत करा आणि आग विझवण्यासाठी साधनाचा वापर करावा.

आग लहान असेल तर पाण्याने विझवण्याचा प्रयत्न करावा.

आग मोठी असेल तर अग्निशामन दलाला फोन करावा. तसेच कीती लोक जखमी किंवा अडकले आहेत याची माहिती घ्यावी.

उंच इमारत असल्यास खाली जाण्यासाठी लिफ्टचा वापर करू नका.

जर तुम्ही एखाद्या खोलीत अडकले असाल तर खिडकीतून मदत मागू शकता.

कंपनीत, घरात किंवा दुकानात शॉर्टसर्किट झाले असेल तर पाण्याचा वापर करू नका. सर्वात आधी मुख्य स्वीच बंद करावे. जवळपास माती असेल तर आगीवर माती टाकू शकता.

खोलीतील कोणत्याही बटणांना हात लावू नका. कारण करंट लागू शकतो.

कंपनी, इमारतीमध्ये इमर्जन्सी एक्झिट असेल तर बाहेर निघण्याचा प्रयत्न करावा.