Morning Coffee : बरेच लोक त्यांच्या दिवसाची सुरुवात एका स्ट्राँग कॉफीने करतात. तर काही लोक एनर्जी ड्रिंक तर काही एक्सरसाइज करून दिवसाची सुरुवात करतात. काही लोकांना कॉफी किंवा चहाची एवढी सवय असते की चहा,कॉफी प्यायल्याशिवाय त्यांच्या दिवसाची सुरुवातच होत नाही. मात्र तज्ज्ञांच्या मते, सकाळी उठल्यानंतर एका तासापर्यंत कॉफी पिऊ नये. बऱ्याच जणांना असं वाटतं की कॉफी प्यायल्याने झोप उघडण्याबरोबरच एनर्जीही मिळते. मात्र याचा विपरीत प्रभाव तुमच्या आरोग्यावर होतो.

तज्ञ काय सांगतात?

हॅप्पी बेडचे एक्सपर्ट आणि सीईओ रेक्स इसॅप यांनी सांगितले की, दिवसा तुमचा मेंदू एडेनोसिन नावाचे एक रसायन निर्माण करतं जे झोपेस प्रोत्साहन देतं. जेवढे तुम्ही जागता तेवढे या रसायनाचे प्रमाण वाढत जाते आणि झोप येते. मात्र कॅफीन, एडेनोसिन रयासनाचे प्रमाण कमी करते, ज्यामुळे तुम्हाला झोप येत नाही. त्यामुळे झोपेचा तुम्हाला त्रास असेल तर हेच त्यामागचं प्रमुख कारण आहे. (Health)

कॉफी पिण्याची योग्य वेळ कोणती?

झोपेतून उठल्यानंतर पुढील एक तास कॉफी पिऊ नये. झोपेतून उठल्यानंतर स्ट्रेस हार्नोन कमी होण्याची वाट बघावी. एका तासाने तुम्ही कॉफी पिऊ शकता. तसेच जेव्हा तुम्ही कॉफी पिता तेव्हा हे लक्षात ठेवा की अतिप्रमाणात कॉफी पिऊ नये. नाहीतर तुम्हाला त्याचा त्रास होईल. एक कॉफी प्यायल्यानंतर पाच ते सात तासानंतरही अर्ध कॅफीन तुमच्या सिस्टिममध्ये असते. ज्यामुळे तुम्हाला रात्री झोपेच्या समस्या जाणवू शकतात. तेव्हा दुपारी २ नंतर कॉफीचे सेवन करू नये. (lifestyle)