कोणतीही स्त्री जेवण बनवताना त्याचे कौतूकच होईल असेच बनवत असते. पण, अनावधानाने तिच्याकडून तेल, मीठ, तिखट जास्त पडते. आणि जेवणाच्या ताटावरच तिची खिल्ली उडवली जाते. किंवा मग जेवणाला कोणीही हात लावत नाही.

ती बिचारी मात्र स्वत:कडून कोणतीतरी मोठी चूक घडल्यासारखी नाराज होऊन बसते. तिने ती गोष्ट मुद्दाम केलेली नसते तरीही तिला दोष दिला जातो. आपल्यामुळे कोणी नीट जेवलं नाही हि सल मात्र तिला लागून राहते.

तूमच्या बाबतीतही असे प्रसंग झाले असतील. त्यामुळे तूम्हाला याची कल्पना आली असेलच. जेवणात मीठ जास्त झाल्यास काय करावे हे नेमके माहिती नसल्याने अनेकींचा गोंधळ उडतो. त्यामुळेच आज मास्टर शेफ पंकजा यांनी काय टिप्स दिल्या आहेत ते पाहुयात.

आमटीत मीठ जास्त पडल्यास

कोणतीही पातळ भाजी बिघडली तर त्यामध्ये थोड पाणी वाढवून ती ठिक करण्याचा विचार अनेकजण करतात. पण, त्यामूळे भाजी अगदीच बेचव होते. त्यामुळे पातळ भाजी किंवा आमटीमध्ये पाणी वाढवू नका. त्यामध्ये कणकेचे बारीक गोळे टाका. थोडावेळ शिजवून घ्या. आणि जेवताना कणकेचे गोळे काढून टाका.   

भाजीत मीठ जास्त झाल्यास

भाजी घट्ट असल्याने तिच्यातील मीठाचा खारटपणा शोषून घेतला जात नाही. त्यामुळे अशा भाजीत कणकेचे गोळे टाकता येत नाहीत. तर, त्याऐवजी त्यामध्ये लिंबांचा रस, दही, बारीक चिरलेला टोमॅटो असे पदार्थ आपण घालू शकतो. जे भाजीचा मूळ खारटपणा घालवू शकतात.