French Toast Recipe :

आता लवकरच उन्हाळी सुट्ट्या सुरू होतील. तेव्हा मुलांना खेळून सतत भूक लागते. मुलांसह कधी थकून ऑफिसवरून घरी आलेल्या पतीदेवांनाही कडकडून भूक लागलेली असते. अशावेळी काहीतरी हलकं पण चवीच खायचं असतं. तेव्हा फ्रेंच टोस्ट बनवू शकता.

अंडी न खाणारे लोकही ही रेसिपी आवडीने खातात.मुलांच्या पोटातही अंडी जातात. त्यामुळे मुलांसाठी पौष्टिक आहार आहे. सकाळी किंवा सायंकाळच्या न्याहरीला देण्यासाठी हा परफेक्ट पदार्थ आहे. कारण तो बनवायला फारसा वेळही लागत नाही. तर तो कसा बनवायचा हे पाहुयात. (French Toast Recipe)

साहीत्य – दोन अंडी,

• अर्धा कप दूध,

• ३ टे.स्पून साखर,

• ४ ब्रेडचे स्लाईस आणि तूप (Recipe)

कृती

1. प्रथम अंडी फेटून घ्यावीत

2. त्यात दूध अन् साखर विरघळेपर्यंत फेटून घ्या

3. पॅनमध्ये २ चमचे तूप गरम करावे

4. आता अंड्याचे मिश्रण एका पसरट बशीत घ्यावे

5. ब्रेडचा एक एक स्लाईस दोन्ही बाजूने अंड्याच्या मिश्रणात बुडवावे

6. आता ब्रेड तव्यात टाकून दोन्ही बाजूने चांगला खरपूस तळून घ्यावा

गोड ब्रेड नको असेल तर अंडी फेटून त्यामध्ये दूध साखरेऐवजी मीठ,मीरपूड, लाल तिखट घालावे. याने चव अगदी वेगळी अन् चटपटीत होते.