गर्भधारणा हा स्त्रीसाठी एक सुंदर प्रवास आहे, परंतु त्या दरम्यान अनेक अडचणी येतात. महिलांना अनेक समस्यांमधून जावे लागते. खूप काळजी घ्यावी लागते, विशेषतः खाण्यापिण्याबाबत काळजी घ्यावी लागते. जीवनशैलीतील थोडासा निष्काळजीपणा देखील आई आणि बाळाच्या आरोग्यासाठी धोकादायक ठरू शकतो. काही महिलांना कॉफी पिण्याची सवय असते जी त्या गरोदरपणातही सुरू ठेवतात, पण प्रश्न असा आहे की गरोदरपणात कॉफी प्यावी का?

गर्भधारणेदरम्यान कॉफी पिणे सुरक्षित आहे का?

तज्ज्ञांच्या मते, कॉफीमध्ये कॅफिन असते, जे उत्तेजक असते. यामुळे मज्जासंस्थेला चालना मिळते पण त्यामुळे गर्भधारणेदरम्यान गर्भपातही होऊ शकतो. गर्भवती महिलांनी कॉफीचे सेवन जास्त केले तर मुलांच्या वाढीस अडथळा निर्माण होतो. तज्ज्ञांच्या मते, कॅफिन प्लेसेंटा ओलांडून मुलापर्यंत पोहोचू शकते, ज्यामुळे मुलाच्या आरोग्यावर नकारात्मक परिणाम होतो. कॅफीन मुलाच्या मेंदूमध्ये प्रवेश करू शकते, ज्यामुळे मानसिक विकास देखील बाधित होऊ शकतो. यामुळे लो बर्थ रेट होऊ शकतो. त्याचबरोबर आईला निद्रानाश, रक्तदाब वाढणे, हार्ट हेल्थ रेट यांसारख्या समस्यांना सामोरे जावे लागू शकते.

तज्ज्ञांच्या मते, गरोदर महिलांनी एका दिवसात एक कप कॉफी म्हणजेच 200 मिलीग्राम कॅफिनपेक्षा जास्त सेवन करू नये. तज्ज्ञांच्या मते काही लोक ब्लॅक आणि व्हाईट अशा दोन प्रकारची कॉफी पितात, त्यामुळे जर तुम्हाला ब्लॅक कॉफी पिण्याची आवड असेल, तर या काळात दुधाचे प्रमाण वाढवूनच कॉफीचे सेवन करा. त्यामुळे नुकसान होण्याची शक्यता कमी होते. तज्ज्ञांचे म्हणणे आहे की जर तुम्ही एनर्जीसाठी कॉफी पित असाल तर पाण्यात लिंबाचा तुकडा टाकून किंवा त्याऐवजी फ्रेश ज्यूस किंवा हर्बल चहाचे सेवन केल्यास फायदा होऊ शकतो.