गुलकंद हे चवदार तसेच आरोग्यदायी असते. आम्ही तुमच्यासाठी आज घरी गुलकंद बनवण्याची रेसिपी घेऊन आलो आहोत. साखरेच्या साहाय्याने आणि गुलाबाच्या पाकळ्याने गुलकंद तयार केला जातो. गुलकंदला अनेक जण गुलाबाचा जॅम देखील म्हणतात.

गुलकंदाचे उन्हाळ्यात सेवन केल्यास आपल्या शरीराला शीतलता आणि ऊर्जा मिळते. तुम्ही रेग्युलर जॅमच्या जागी हे करू शकता. तसेच गुलकंद एक उत्तम माऊथ फ्रेशनर म्हणूनही काम करते, चला तर मग जाणून घेऊया घरी गुलकंद कसे बनवायचे.

गुलकंद तयार करण्यासाठी लागणारे साहित्य :

• गुलाबाच्या ताज्या पाकळ्या

• साखर

• बडीशेप 1 टीस्पून

• वेलची पावडर

गुलकंद कसे बनवायचे?

• आधी ताजे गुलाब घ्या.

• त्यांनतर पाकळ्या तोडून स्वच्छ पाण्याने धुवून वाळवाव्यात.

• एका भांड्यात गुलाबाच्या पाकळ्या आणि साखर टाका.

• नंतर साखर आणि गुलाबाच्या पाकळ्या नीट मॅश करा.

• एका कढईत नंतर साखर आणि गुलाबाचे मिश्रण घालावे.

• साधारण 2-3 मिनिटे गॅसवर मंद आचेवर शिजवून घ्या.

• 1 चमचा बडीशेप आणि वेलची पूड घालून मिक्स करावे.

• 2-3 मिनिटे शिजवून घ्या.

• त्यात 1 चमचा मध घालून मिक्स करा.

• ते चांगले वितळून नंतर जॅम सारखं मिश्रण तयार करा.

• तुमचा स्वादिष्ट गुलकंद तयार आहे.

• गुलकंद पूर्णपणे थंड झाल्यावर आपण ते काचेच्या जारमध्ये साठवून ठेवा.