गेल्या वर्षभरापासून कोरोना (corona) विषाणूने देशात अक्षरश: थैमान घातलं आहे. दिवसेंदिवस वाढत असलेली रुग्णसंख्या पाहता प्रशासन व आरोग्य यंत्रणा नागरिकांना काळजी घेण्याचं व सतर्क राहण्याचं आवाहन करत आहेत. यामध्येच कोरोना काळात नेमकी कोणती काळजी घ्यावी याविषयीदेखील डॉक्टर आणि तज्ज्ञ मंडळी वारंवार मार्गदर्शन करत आहेत. यामध्येच सध्या सोशल मीडियावर कोरोना आणि टुथब्रश या दोन गोष्टी चर्चेत आल्या आहेत. काही तज्ज्ञांच्या मते, कोरोनावर मात केल्यानंतर आपल्या दैनंदिन वापरातील टुथब्रश बदलणं अत्यंत गरजेचं आहे. जर, तुम्ही तोच ब्रश (toothbrush) वापरत असाल तर पुन्हा एकदा कोरोनाला आमंत्रण मिळण्याची शक्यता आहे. (immediately change your toothbrush tongue cleaner after recovery-from-corona-infection)

दरम्यान, दिवसेंदिवस कोरोनाचं संकट अधिकच गडद होत आहे. त्यातच आता कोरोनाची तिसरी लाटदेखील येणार असल्याचं म्हटलं जात आहे. त्यामुळे या काळात स्वत:ची व कुटुंबाची जास्तीत जास्त काळजी घेणं गरजेचं आहे. तसंच प्रशासनाने आखून दिलेल्या नियमांचं पालन करणंदेखील आवश्यक आहे.