Indoor Plant Side Effects: अनेक लोकांना घरात झाडे लावायला आवडतात. घरातील काही झाडे ऑक्सिजनची पातळी वाढवतात, तर ते डेंग्यू तापापासून अॅलर्जी आणि दमा या सर्व गोष्टींचा धोका देखील वाढवू शकतात.

डेंग्यूसारख्या संसर्गजन्य रोगाचा प्रसार घरातील काही झाडांमुळे होतो. आरोग्य विभागाच्या मते घरातील काही झाडांमुळे श्वसनासंबंधित आणि डेंग्यू सारखे संसर्गजन्य आजार उन्हाळ्यात त्रास देऊ शकतात.

घरातील झाडांवर डासांची उत्पत्ती होते आणि पाणी, आर्द्रता आणि धूळ साचून राहिल्याने इतर अनेक आजारांचा धोका वाढू शकतो. झाडांना पाणी देण्याबरोबरच बाटलींमधील पाणी वेळोवेळी बदलणे गरजेचे आहे. तसेच घरातील झाडांच्या भोवती पाणी साचू देऊ नका. कोरोनानंतरच लोकांना घरामध्ये झाडे लावण्याची आवड अधिक निर्माण झाली आहे. पण पानांवरील धुळीचा थर वाऱ्याबरोबर घरात उडतो, यामुळे ॲलर्जी आणि श्वसनाच्या समस्या निर्माण होऊ शकतात.

घरामध्ये पाण्यात जगणारे झाडे म्हणजेच मनी किंवा बांबू प्लॅट असतील तर बाटलीतील पाणी रोज बदलावे. पॉटिंग ट्रेमध्ये पाणी साचू देऊ नका. त्याचप्रमाणे फ्रिजच्या ट्रेमध्ये साचलेल्या पाण्यात डासांची उत्पत्ती होऊ शकते. यामुळे वेळोवेळी फ्रिजचा ट्रे स्वच्छ करावा.

घरांमध्ये डास होऊ नये म्हणून काय करावे?

वेळी किंवा झाड लावलेल्या बाटल्यांचे तोंड बंद ठेवावे.

दररोज झाडांमधील पाणी बदलावे.

झाडाची भांडी ठेवणाऱ्या ट्रेमध्ये पाणी साचू देऊ नका.

याशिवाय फ्रिजच्या खाली असलेल्या ट्रेमध्ये पाणी साचल्यास काढून टाकावे.

घराबाहेर नाली असेल तर ती झाकून ठेवावी.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.