वयाची पस्तीशी ओलांडली की अनेक महिला उतरती कळा लागल्यासारखे गुढगे, कंबर धरून बसतात. आपण म्हातारपणाकडे वळायला लागलो आहोत असे फिलिंग त्यांना चेहऱ्यावरील सुरकूत्या अन् सुटलेल्या पोटाकडे पाहून येत असते. त्यातही एखादी महिला डायट करून फिट राहत असेल तर तिलाच नाव ठेवण्यात इतर महिलांचा टाईमपास होतो.

आता या अभिनेत्रीही पहा. ३०, ४० अगदी ५० शी ओलांडली तरी फिट राहतात. तसेच आज एका अभिनेत्रीकडून काही खास टिप्स घेऊयात. ती अभिनेत्री आहे कतरिना कैफ कौशल. कतरिना केवळ तिच्या सौंदर्यासाठीच नाही तर तिच्या फिटनेससाठीही ओळखली जाते.

वयाच्या 35 व्या वर्षीही कतरिना अगदी फिट आणि उत्साही दिसते. फिट राहण्यासाठी ती नक्कीच मेहनत घेते. त्याचसोबत ती खास डायटही फॉलो करते.फिट राहण्यासाठी कतरिना नियमित व्यायाम करते. आठवड्यातून 3-4 दिवस जिमला जाणे हा तिच्या फिटनेस रूटीनचा एक भाग आहे. तर कतरिनाही तिचे डायट काटेकोरपणे फॉलो करते.

लग्नानंतरही कतरिना कैफने तिच्या आहारात फारसा बदल केला नाही. तिने नेहमीच तिच्या आहारात हेल्दी फूडला महत्त्व दिले आहे. शूटिंग, सुट्टी अशा वेळापत्रकातही ती तिच्या आहाराचे पालन करण्याचा सर्वतोपरी प्रयत्न करते.

कतरिना एनर्जी टिकवून ठेवण्यासाठी आणि शरिराला योग्य प्रमाणात पोषण मिळावे यासाठी खास स्मूदी घेते. या स्मूदीमध्ये ती अॅव्होकॅडोला समावेश करते. अॅव्होकॅडो हे व्हिटॅमिन ई आणि इतर पोषक तत्वांचा सोर्स आहे. ते खाल्ल्याने त्वचा, डोळे आणि हाडांसाठी अनेक फायदे होतात.

कतरिनाला नाश्ता करायला वेळ मिळत नाही. तेव्हा तिला ही स्मूदी प्यायला आवडते. मिनी माथूरसोबतच्या एका कार्यक्रमात तिने हे स्वत: सांगितले आहे. कतरिना कैफची ही आवडती स्मूदी कशी बनवली जाते आणि त्यात आणखी कोणते हेल्दी पदार्थ घालता येतील ते जाणून घेऊया.

कशी बनवावी हेल्दी स्मूदी

1 अॅव्होकॅडो,1 चमचे खोबरेल तेल, 1-2 पिकलेली केळी, 4-5 पाने पालक, 6-7 पुदिन्याची पाने, 2 चमचे चिया बि, 1 चमचे लिंबाचा रस, 1 चमचा कोको पावडर, गोडपणासाठी खजुर बारीक चिरलेले किंवा मध आणि थंड हवे असेल तर बर्फाचे तुकडे.

या सर्व गोष्टी एकत्र मिक्सरमध्ये बारीक करून त्याची स्मूदी करून घ्या. रोज सकाळी नाश्त्याच्या वेळी तूम्ही ती घेऊ शकता. यामूळे दिवसभर फ्रेश वाटेल आणि फिटनेसही कायम राहील.