स्वयंपाकात तेल ही महत्त्वाची भूमिका बजावते. कोणताही पदार्थ तेलाशिवाय अपुर्ण आहे. सायंकाळी किंवा रात्रीच्या जेवणावेळी अनेकांना काहितर क्रिस्पी खाण्याची तल्लफ येते. यावेळी मग लगेच कढईत तेल गरम करुन कुठे पापड तळ तर कुठे भजी तेलात सोड असे अनेक तळणीचे पदार्थ स्वयंपाक घरात बनतात.

पण हेच तेल पुन्हा जेवणासाठी वापरताना गोंधळ होतो. अनेकजण ते तेल फेकून देतात तर काहीजण ते तेल तसेच जेवणाला वापरतात. पण तळणीचं उरलेलं तेल हे जळलेलं असत त्यामुळे या तेलाचा वापर करणं बहुतांश गृहिणी टाळतात. म्हणून तुमच्यासाठी आज आम्ही काही ट्रिक्स घेऊन आलो आहोत ज्यामुळे तुमचे जळलेल तेल स्वच्छ होईल अन् त्याचा वापर तुम्ही पुन्हा करु शकाल. (Kitchen hack how to clean cooking oil after frying )

तेल स्वच्छ ठेवण्यासाठी ते वापरल्यानंतर थोडं थंड होऊ द्या. त्यानंतर ते तेल गाळा. गाळण्यासाठी पेपर कॉफी फिल्टर किंवा पेपर टॉवेल वापरा, बारीक जाळीची चाळण वापरा. असे केल्याने तेलामध्ये राहिलेलं बारिक कण निघून जातात. तेल पुन्हा वापरताना हे अन्न कण ते जाळू शकतात, म्हणून ते नेहमी गाळून ठेवा.

आता जाणून घेऊयात काळं तेलं स्वच्छ कसं करायचं

कॉर्न-स्टार्च

तेल स्वच्छ करण्यासाठी कॉर्न-स्टर्चचा वापर करा. तेल आणि कॉर्न-स्टार्च यांचे मिश्रण मंद आचेवर गरम करा, ते उकळू न देण्याची काळजी घ्या. हीट प्रूफ स्पॅटुलासह सतत ढवळत रहा. कॉर्न-स्टार्च मिश्रण सुमारे १० मिनिटांत घट्ट झाले पाहिजे, नंतर ते गाळा.

लिंबाचा वापर

लिंबू हा आरोग्यासाठीच नव्हे तर घरातील बऱ्याच गोष्टींसाठी फायद्याचा आहे. आजपर्यंत आपण लिंबाचे अनेक उपयोग जाणले आहेत. हाच लिंबू तुमचे जळलेलं तेल स्वच्छ करण्यासही मदत करतो.

लिंबाच्या मदतीने तुम्ही काळे तेलही स्वच्छ करू शकता. यासाठी तेल गरम केल्यानंतर लिंबाचे छोटे तुकडे करून त्यात घाला. यामुळे तेलाचे काळे कण लिंबाला चिकटतील, जे तुम्ही गाळून घ्या. मग तुम्हाला तुमचे तेल नवीनसारखे दिसेल.

योग्यजागी तेल स्टोअर करा

अनेक महिला स्वयंपाकाचे तेल वापरल्यानंतर गॅसजवळ ठेवतात. पण याचा तेलावर विपरीत परिणाम होतो.

गॅसमधून निघणाऱ्या उष्णतेमुळे तेल खराब होण्याची शक्यता असते, त्यामुळे तेलाचा पुनर्वापर करण्यासाठी ते उष्णता आणि गरम ठिकाणांपासून दूर ठेवणे गरजेचं आहे. याशिवाय तेल खराब होऊ नये म्हणून ते हलक्या आणि दमट ठिकाणांपासून दूर ठेवण्याचा प्रयत्न करा.