हिवाळ्यात ओठ कोरडे पडणे आणि क्रॅक होणे सामान्य बाब आहे. पण जर त्यांची योग्य काळजी घेतली नाही तर ते खूप वेदनादायक देखील होतात. अशा परिस्थितीत आज आपण हिवाळ्यात ओठांची काळजी घेण्याचे आणि ते फुटण्यापासून रोखण्याचे उपाय जाणून घेऊयात. चला तर मग त्याबद्दल अधिक माहिती पाहूयात.

लिप स्क्रब...

त्यासाठी अर्धा चमचा मध आणि अर्धा टीस्पून कॉफी लागेल

पद्धत

मध आणि कॉफी नीट मिसळून घ्या. त्यानंतर 2 मिनिटे ओठ स्क्रब करुन साध्या पाण्याने ओठ स्वच्छ करा.

लिप मास्क...

हिवाळ्यात ओठांना मुलायम ठेवण्यासाठी स्क्रब केल्यानंतर लिप मास्क लावा. त्यासाठी अर्धा चमचा गुलाबाच्या पाकळ्या आणि 3 ते 4 थेंब दूध घ्या.

पद्धत

गुलाबाच्या पाकळ्यांची पेस्ट तयार करा आणि त्यात काही थेंब दूध घाला. नंतर ही पेस्ट ओठांवर लावा आणि 10 मिनिटे राहू द्या. त्यानंतर पाण्याने ओठ धुवा.

(ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. या मतांशी 'सकाळ ऑनलाइन'चा कोणताही संबंध नाही. त्यामुळे कोणतेही वैद्यकीय उपचार करण्यापूर्वी आरोग्यतज्ज्ञ आणि डॉक्टरांशी योग्य तो सल्लामसलत करणे आवश्यक आहे.)