Makar Sankranti 2023 : मकर संक्रांतीचा सण संपूर्ण देशभर साजरा केला जातो. मकर संक्रांतीला उत्तरायणाचा सण असेही म्हणतात. यावेळी बहुतांश महिला पारंपरिक लूक करून तयार होतात. आता सर्वच स्त्रिया तयार होतात म्हंटल्यावर गर्दी तर असणार.अशा वेळी या गर्दीत उठून दिसण्यासाठी गेटअपसोबतच मेकअपही खास असायला हवा. चला तर मग जाणून घेऊया मकर संक्रांतीच्या दिवशी तुम्ही कोणत्या प्रकारचा मेकअप करायला हवा.

ब्लश

हिवाळ्यात ट्रॅडिशनल आऊटफिट सोबत हेवी मेकअप करणं थोडं कठीण असतं. अशावेळी ट्रॅडिशनल सोबत नॅचरल लुक हवा असेल तर ब्लश अप्लाय करू शकता. ब्लश तुमच्या नॅचरल शेडसाठी पूरक ठरू शकतो. ब्लश लावल्यानंतर, रेगुलर फाउंडेशनचां टच द्या.

हायलाइटर वापरा

नॅचरल लुक अनेकांना आकर्षित करतो. जर आऊटफिट ब्राईट कलरचा असेल तर हलका मेकअप आणि त्याच्यासोबत हायलाइटर वापरा. यामध्ये न्यूड आयशॅडो आणि लिपस्टिकसोबतच बेसही खूप हलका असावा.

शिमरी आयशॅडो

फेस्टिव्ह लूकसाठी शिमरी आयशॅडो हा उत्तम पर्याय असू शकतो. पारंपरिक दिसण्यासाठी तुम्ही हे ट्राय करू शकता. आउटफिट लक्षात घेऊन गोल्ड किंवा सिल्व्हर शिमर आयशॅडो मॅच करता येईल.

मॅट लुक

बऱ्याच बॉलिवूड अभिनेत्री मॅट लुक मेकअप फॉलो करतात. हा लुक साडी किंवा इतर कोणत्याही पारंपरिक कपड्यांवर उठून दिसतो. मॅट लूक नेहमीच परफेक्ट लुक देण्याच काम करतो. मॅट लूकमध्ये त्वचा तजेलदार आणि नॅचरल दिसते. पण हा मेकअप लावण्यापूर्वी तुम्हाला तुमच्या त्वचेबद्दल माहिती हवी.

डार्क लिपस्टिक

डार्क लिपस्टिक तुमचा मेकअप आणखीनच सुंदर बनवते. तुम्हाला डार्क लिपस्टिकमध्ये अनेक पर्याय सापडतील. लाईट कलरचे आऊटफिट असतील तर तुम्ही नक्कीच डार्क लिपस्टिकचां पर्याय निवडला पाहिजे. तसं तर आजकाल मॅट लिपस्टिक शेड्सची देखील चलती आहे.