Makar Sankranti 2024 :

नव्या वर्षांचे स्वागत झाले की एकामोगमाग सणांची मालिकाच सुरू होते. वर्षातील पहिला सण म्हणून मकर संक्रांतीला महत्त्वाचे स्थान आहे.  मकर संक्रांतीचा सण 15 जानेवारी रोजी साजरा केला जाईल. मकर संक्रांतीच्या दिवशी सूर्यदेव मकर राशीत प्रवेश करतात. म्हणून याला मकर संक्रांत असे म्हणतात.

हा सण विशेषतः सूर्यदेवांच्या पूजेसाठी साजरा केला जातो. या दिवशी सूर्यदेवाच्या उपासनेला विशेष महत्त्व आहे. मकर संक्रांतीच्या दिवशी काही वास्तु टिप्सचा वापर केल्याने घरातील आर्थिक अडचणी दूर होतात. (Makar Sankranti 2024)

शास्त्रानुसार असे सांगितले जाते की जेव्हा सूर्यदेव शनिदेवाच्या घरी गेले तेव्हा त्यांनी काळे तीळ सोबत घेतले. यामुळे ते समाधानी झाले. त्यामुळे या दिवशी काळ्या तिळाच्या पूजेलाही विशेष महत्त्व दिले गेले आहे.

मकर संक्रांतीच्या दिवशी घरात काही वस्तू आणल्याने लक्ष्मीची कृपा होते. त्यामुळे संक्रांतीच्या दिवशी या वस्तू घेऊन या.

वास्तुशास्त्रात मकर संक्रांतीच्या दिवशी घरात पितळेचा सूर्य आणावा असे सांगितले आहे. यामुळे घरात सुख, शांती आणि समृद्धी राहते. या दिवशी घराच्या पूर्व दिशेला पितळेचा सूर्य ठेवल्याने घरात धनाची कमतरता भासत नाही. घरामध्ये सूर्याची अशी प्रतिमा लावा ज्याच्या तळाला एक छोटी घंटा असते. असे केल्याने घरात सुख शांती येते, असे ज्योतिषशास्त्र सांगते.

मकर संक्रांतीच्या दिवशी अशी पूजा करा

मकर संक्रांतीच्या दिवशी भगवान विष्णू आणि सूर्यदेवाची पूजा केल्यास शुभ फळ प्राप्त होते. तुमचे एखादे काम खूप दिवसांपासून प्रलंबित असेल तर या काळात पूजा केल्याने व्यक्तीचे सर्व काम पूर्ण होते. या दिवशी तांब्याच्या भांड्यात लाल फुले व अक्षता मिसळून सूर्यदेवाला अर्पण केल्याने सूर्यदेव प्रसन्न होतात. (Makar Sankranti Vastu Tips)

तसेच सूर्यदेवाच्या मंत्राचा १०८ वेळा जप करावा. इतकेच नाही तर या दिवशी तीळ, ब्लॅंकेट,चादर आणि अन्नदान करणे विशेष मानले जाते. त्याचबरोबर करिअरमध्ये यश मिळवण्यासाठी या दिवशी गरजूंना खिचडी खाऊ घालणे फायदेशीर ठरते.

ज्योतिषशास्त्रानुसार मकर संक्रांतीच्या दिवशी स्नान, दान आणि पूजा करणे शुभ मानले जाते. या दिवशी शुभ मुहूर्तावर केलेले कार्य व्यक्तीला शुभ फल प्रदान करते. या दिवशी माणसाच्या सर्व मनोकामना पूर्ण होतात अशीही एक मान्यता आहे.