आपला चेहरा सुंदर आणि चमकदार दिसावा अशी प्रत्येक व्यक्तीची इच्छा असते, यासाठी आपण अनेकदा फेसवॉशचा वापर केला जातो. बहुतेक ब्युटी प्रॉडक्ट्स बनवणारे फेस वॉश नैसर्गिक असल्याचा दावा देखील करतात, पण अशी खूप कमी उत्पादने आहेत ज्यात रसायनांचा वापर करण्यात आलेला नाही.

चेहऱ्याला जर हे रसायन बराच वेळ स्पर्श करत असेल तर आपलं नुकसान होणारच आहे. हे हळूहळू आपल्या त्वचेची चमक कमी करू शकते. हे नये म्हणून आपण घरी तयार केलेल्या फेस वॉशचा वापर करणे खूप महत्वाचे आहे.

स्वयंपाकघरातील ‘या’ वस्तूंनी बनवा फेस वॉश

सर्वांच्या घरात मूग डाळ तर असतेच, परंतु याचा वापर चेहऱ्याचे सौंदर्य निर्माण करण्यासाठी केला जातो. त्यासाठी सर्वात पहिले डाळ मिक्सर ग्राइंडरमध्ये बारीक करून त्याची पावडर बनवा. नंतर गरजेनुसार त्यामध्ये पाणी घाला.

मग ते तयार झाल्यावर चेहऱ्यावर मसाज करा. त्यानंतर थोड्या वेळाने चेहरा स्वच्छ पाण्याने धुवून घ्या. असे केल्याने तुमच्या चेहऱ्यावर चमक येईल.

भजी तयार करण्यासाठी बेसनचा वापर केला जातो, परंतु त्वचेची काळजी घेण्यासाठी देखील बेसनचा वापर केला जातो. घरी बेसनची पावडर नसल्यास तुम्ही चणाडाळ मिक्सरमध्ये बारीक करून पावडर तयार करू शकता.

तुमची त्वचा कोरडी असेल तर ते तिळाच्या तेलात मिक्स करून चेहऱ्यावर लावा. यामुळे तुमच्या चेहऱ्यावर ओलावा येईल. जर तुमची त्वचा तेलकट असेल तर तिळाच्या तेलाऐवजी त्यामध्ये पाणी मिसळा.

ओट्सला हेल्दी फूड म्हणून ओळखले जाते, मात्र ओट्सने त्वचाही सुंदर बनवता येते. सर्वात पहिले, एक कप ओट्स घ्या आणि त्याला बारीक करा. नंतर त्यामध्ये त्यात गुलाबजल घाला.

हे तुमच्या चेहऱ्यावर लावा आणि नंतर धुवून टाका. असे केल्याने त्वचा चमकदार तर होईलच, पण पिंपल्स, मुरुम आणि इतर समस्या देखील दूर होतील.