Old Jeans Reuse Ideas : एक जीन्स बनवण्यासाठी जेवढा कापूस लागतो. तो कापूस वाढवण्यासाठी सुमारे 946 लिटर पाणी लागते. आणि त्यानंतर जीन्स बनवण्यासाठी आणि टेक्सचर करण्यासाठी सुमारे 42 लिटर पाणी लागते?. होय, तूम्ही ऐकताय ते खरे आहे. इतके लिटर पाणी वापरून बनवलेली जीन्स तूम्ही काही दिवस घालता आणि फेकून देता.

फेकून दिलेल्या जीन्स कचऱ्यात जातात आणि त्या प्रदुषण करतात. एव्हढेच होते. त्यामूळे असा प्रश्न असा पडतो की, हे सर्व थांबवायचे कसे? यासाठी अनेक जीन्स थोडी कापून त्याची थ्री फोर किंवा शॉर्ट करतात. पण, आता त्याचा वापर पून्हा करता येईल अशा काही भन्नाट कल्पना पाहूयात. ज्या मूळे तूमचे घर, ऍक्सेसरीज आणि मोबाईलही सुशोभित करता येतील.

बॉटल बॅग

पाण्याची बाटली ही गरजेची वस्तू आहे पण त्यासाठी बॅगमध्ये जागा नसते. त्यामुळे बॉटल बाहेरून विकत घेतली जाते. पण आता बॉटल बॅगमुळे तुम्हाला विनाकारण खर्च करण्याची गरज नाही. जीन्सपासून बनवलेल्या बॅग्स बाटली ठेवण्यास आणि ती सोबत नेण्यास आरामदायक आहेत. तसेच, मुलांसाठी या जीन्स बॅग्स बनवणे कमी खर्चिकही आहेत.

पर्स, साइड पर्स

जून्या जीन्सपासून लहान मोठ्या आकाराच्या अनेक पर्स बनवता येतात. बाजारात पर्स खरेदी करताना जीन्समधील अनेक वॉलेट, पर्स पाहता येतात. याच पर्स तूम्ही घरीही बनवता येतात. त्याला खर्चही कमी येतो. त्या पर्सना तूम्ही तूमच्या नावातील कॅपिटल्सनेही डेकोरेट करू शकता.

कुशन

घरात सोफ्यावर आणि बेडवर वापरण्यासाठी अनेक प्रकारच्या कुशन्स लागतात. त्यांचे कव्हर अधिक आकर्षक असतील तर त्या दिसायला छान दिसतात. त्यामूळे घरातील सोफा कुशनचे कव्हर तूम्ही जीन्सपासून बनवू शकता.

किल्ली स्टँड

तूम्हाला तर माहितीच आहे की, जीन्सला अनेक खिसे असतात. ते सर्व खिसे एकाच कापडावर एकत्रितपणे जोडून तूम्ही असे खास किल्ली, मोबाईल स्टॅंड बनवू शकता.

मोबाईल स्टँड कव्हर

मोबाईल चार्जिंगला लावल्यावर अनेकदा तो ठेवायला आपल्याला कपाटाचा, भिंतीचा आधार घ्यावा लागतो. अचानक धक्का लागल्याने मोबाईल पडण्याची भिती असते. त्यामूळे जीन्सपासून सोपी आणि सुरक्षित मोबाईल चार्जिंग बॅग बनवता येते.

बेल्ट आणि मोबाईल ऍक्सेसरीज

जीन्सचे कापड रंग गेला तरीही आकर्षकच वाटते. त्यामूळे तूमच्या डोक्यात येतील त्या भन्नाट कल्पना वापरून तूम्ही जुनी जीन्स सत्कारनी लावू शकता. या जीन्सपासून ड्रेस, फ्रॉकसाठी बेल्ट,मोबाईल कव्हरही बनवू शकता. या वस्तू तूम्ही बनवायला शिकलात कि त्याची मागणी मित्रांमध्येही व्हायला लागेल. त्यामूळे त्यातून तूम्ही नफाही मिळवू शकता.