Pickle Making Tips : भारतीय जेवणाच्या ताटात लोणचे नसेल तर जेवणाचं ताट अपूर्ण असल्यासारखं वाटतं. आपली आजी, आई, काकू उन्हाळा आला की आवर्जून लोणची बनवतात. वर्षभर पूरेल आणि टिकेल अशा पद्धतीने स्त्रिया लोणची बनवण्याच्या तयारीत असतात. मात्र बहुतेकदा काही चुकांमुळे लोणची खराब होतात त्यांना बुरशी लागते. तेव्हा या ५ टिप्स लक्षात घेतल्या तर तुमच्या लोणच्याला काहीही होणार नाही.

लोणचे हे खारट, तिखट, मसालेदार चटपटीत असायला हवे. यातील एकही पदार्थ कमी किंवा जास्त झाल्यास तुमच्या लोणच्याची चव बिघडते. तेव्हा लोणची बनवताना नेमकी कोणती काळजी घ्यावी ते जाणून घेऊयात. (Lifestyle)

योग्य मसाले

लोणचे बनवताना या गोष्टीची योग्य काळजी घ्या की लोणच्यात घातले जाणारे मसाले जास्त जुने नसावे. त्यांमुळे लोणच्याची गुणवत्ता आणि चव दोन्ही बिघडू शकते. तसेच लोणच्यात घातले जाणाऱ्या तेलाची निवडही योग्य असावी. ऑलिव्ह ऑइलमध्ये तुम्ही लोणचे बनवू शकत नाही. भारतीय मसाले मोहरीच्या तेलात उत्तम मिसळतात. तेव्हा मोहरीचे तेल हे लोणच्यासाठी उत्तम आहे.

सर्व साहित्य व्यवस्थित मिसळावे

सर्व साहित्य व्यवस्थित मिसळ्यास लोणच्याला स्वाद येतो. त्याची चव वाढते. तेव्हा लोणच्यातील मसाले चमच्याने ढवळण्यापेक्षा हँड ग्लव्ह्ज घालून मिसळल्यास चव वाढते.

लोणच्यातील तेल

लोणच्यात तेलाची निवड करण्याबरोबरच मसाले सगळं घातल्यानंतर लोणचे भरून ठेवलेली बाटली सतत ढवळत राहावी. याची काळजी घ्यावी की तेल तळाशी बसू नये असे झाल्यास लोणचे खराबही होऊ शकते.

लोणचे बनवल्यानंतर ती काही दिवस ठेवा

लोणची बनवल्यानंतर काही लोणची तुम्ही तुरंत खाऊ शकता मात्र काही लोणच्यांना मुरायला वेळ लागतो. साधारण ७-१० दिवसांचा कालावधी लागतो. तेव्हा या दिवसांत लोणच्यांची विशेष काळजी घ्यावी लागते. (Summer)

लोणचे साठवण्यासाठी योग्य कंटेनर वापरा

लोणची हा असा पदार्थ आहे जो फार काळ टिकवून ठेवता येतो. तसेच वर्षानुवर्षे टिकतो. तेव्हा लोणच्यांना साठवून ठेवण्यासाठी काचेच्या, स्टिलच्या किंवा प्लिस्टिकच्या जारचा वापर करा.