हिंदू धर्मात कोणत्याही शुभ प्रसंगी कपाळावरील टिळकला विशेष महत्त्व आहे. कपळावर लावला जाणार हा टिळक किंवा नाम हे देवतांच्या आशीर्वादाचे प्रतीक असल्याचे मानले जाते. माथ्यावर टिळक लावणे हे शुभ मानले जाते. या नामाप्रमाणे चंदन, कुंकू, भस्म हे ही कपाळावर लावले जातात. या सगळ्यांचे महत्वही वेगळे आहे. डोक्यावर वेगवेगळ्या बोटांनी टिळक लावण्याचा परिणाम आणि महत्त्वही वेगवेगळे आहे. आज आपण जाणून घेणार आहोत की, कोणत्या बोटाने कपाळावर टिळक लावणे सर्वात शुभ मानले जाते.

प्रत्येक बोटाने टिळक लावण्याचे महत्त्व

हिंदू धर्मानुसार जर कोणी शुभ कार्यासाठी बाहेर पडले तर त्याला मधल्या बोटाने टिळक, टिका किंवा नामा ओढावा. हे शुभ मानले जाते. त्यामुळे त्याचे काम चांगले होते. मधले बोट शनि ग्रहाशी संबंधित आहे आणि शनि ग्रह यशाचे प्रतीक आहे. त्यामुळे मधल्या बोटाने टिका लावल्यास काम निर्विघ्नपणे पार पडते असे मानले जाते.

अनामिका या बोटाने कपाळावर टिका लावल्याने मनाला शांती मिळते. सूर्यदेव अनामिकामध्ये वास करतात. अनामिका देवाच्या चित्रावरही टिका लावला जातो. हिंदू परंपरेनुसार अंगठ्याने तिलक लावणे देखील शुभ असते. शुक्र ग्रह अंगठ्यामध्ये राहतो. अंगठ्याने तिलक लावल्याने व्यक्तीचे आरोग्य चांगले राहते. घरात सुख-समृद्धी नांदते. मृत्यूनंतर, व्यक्तीच्या कपाळावर सर्वात लहान बोटाने म्हणजेच करंगळीने टिका लावला जातो. जे त्याच्या मोक्षप्राप्तीचे प्रतीक मानले जाते.

या गोष्टी लक्षात ठेवा

शास्त्रात टिळक लावण्याचे काही नियम आहेत. त्या नियमांनुसार टिळक लावणे शुभ मानले जाते. शास्त्रानुसार स्नान केल्यानंतरच कपाळाला टिका लावावा. तसेच टिका लावताना तोंड उत्तरेकडे असावे आणि स्वच्छ हाताने कपाळावर टिळक लावावे