पाककृतीसाठी आवश्यक जिन्नस -

अर्धा किलो खजूर, ५ ते ६ चमचे तूप, २ वाट्या सुका मेवा (आवडीप्रमाणे) घ्यावेत. बदाम, अक्रोड, शेंगदाणे, डेसिकेटेड कोकोनट घेऊ शकता. शेंगदाणे न घेता काजू, पिस्तेही घेऊ शकता.

पाककृती

तव्यावर सर्व ड्राय फ्रूट टाकून थोडे बदामी रंगावर परतून घेणे. नंतर हे मिक्सर मध्ये जाडसर वाटून घ्यावेत. खजुरात बिया असतील तर काढून, मिक्सर मध्ये फिरवून घ्यावेत. उरलेल्या तुपात आता हे खजूर ७-८ मिनिटे परतवून घ्यावेत. त्यातच सुका मेवा टाकून सर्व मिसळून घ्यावे. ३-४ मिनिटांनी गॅस बंद करावा.

हेही करा

हाताने थापता येईल इतपत कोमट होऊ द्या. कोमट झाल्यावर परचमेंट पेपर किंवा अॅल्युमिनियम फॉईल वर ठेवून रोल बनवून डेसिकेटेड कोकोनट त्यावर भुरभुरावे. गोलाकार झाल्यावर त्याच पेपरमधे गुंडाळून तो रोल फ्रिज मधे २ तास सेट करण्यास ठेवावा. दोन तासांनी काढून वड्या पाडाव्यात. इतर तिखट पदार्थांबरोबर सर्व्ह करावे. झाली तुमचे उपवासाचे रोल्स तयार !