Health Issues And Bedsheets : अंथरूणामुळेही आरोग्यास नुकसान पोहोचू शकते, हे आपणास माहिती आहे का. आपल्या बेडवर दीर्घकाळापासून अंथरलेल्या बेडशीटमुळे आरोग्याच्या कित्येक समस्या निर्माण होऊ शकतात.

घाणेरड्या बेडशीटवर हजारो डेड स्किन सेल्स, धूळ-माती, तेल, घाम, खरकटे इत्यादी दुर्गंधयुक्त गोष्टी जमा होतात. यामुळे संसर्ग होण्याची शक्यता असते. बेडशीटमुळे आरोग्यास अपाय होऊ नये, याकरिता नेमके किती दिवसानंतर अंथरूण बदलणे गरजेचं असते, ज्यामुळे आजारांपासून सुटका होऊ शकते ; याबाबत सविस्तर माहिती जाणून घेऊया…

आरोग्यास अपाय होऊ नयेत म्हणून एकदिवस आड बेडशीट बदलणे फायदेशीर ठरेल. दुसरीकडे दम्याची समस्या असणाऱ्या रूग्णांनी विशेषतः अंथरूणांची स्वच्छता करण्यावर भर देणे गरजेचं आहे. अन्यथा यामुळे दुष्परिणाम होऊ शकतात. ज्या लोकांच्या शरीराला खूप घाम येतो, त्यांनी दर एक दिवसाने अंथरूण बदलावे.

बेडशीट न बदलल्यास होणारे नुकसान 

- जर आपण सलग एक आठवडा एकाच बेडशीटचा वापर केला तर बॅक्टेरिया, बुरशीचे, जंतूमुळे आजारांची लागण होण्याची शक्यता असते. घाणेरड्या बेडशीटमुळे त्वचेशीही संबंधित गंभीर समस्या निर्माण होऊ शकतात. उदाहरणार्थ एक्झिमा, मुरूम येणे, त्वचा लाल होणे, त्वचेशी संबंधित संसर्ग होणे इत्यादी 

- स्लीप एपनिया सिंड्रोम म्हणजे झोपेत श्वसनाशी संबंधित समस्या निर्माण होऊ शकतात. यामुळे सर्दी होणे, शिंका येणे तसंच घोरण्याच्या समस्याचांही सामना करावा लागू शकतो.  म्हणून नियमित स्वरुपात गरम पाण्यात डिटर्जेंट मिक्स करून अंथरूण भिजत ठेवावे आणि काही तासांनंतर बेडशीट स्वच्छ धुऊन काढावे. 

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.