Sleeping Tips : दिवसभर दमून पण रात्री शांत झोप लागत नाही. रात्री पूर्ण ७-८ तास झोप होऊनपण सकाळी उठल्यावर फ्रेश वाटत नाही. काम करण्यात उत्साह राहत नाही. अशा तक्रारी अनेकदा ऐकायला मिळतात. पण यासाठी आपण काय बदल करायला हवे आणि काय उपाय करायला हवे ते लोकांना समजत नसते. तज्ज्ञांच्या मते किती तास झोपले यापेक्षा किती गाढ किंवा शांत झोपले हे आवश्यक असते. त्याविषयी सांगणार आहोत जाणून.

झोप शांत लागण्यासाठी उपाय

• झोपण्यापूर्वी पाय धुवून घ्या. पायाच्या तळव्यांचा मसाज करणे चांगले असते.

• झोपताना सैल आणि आरामदायक कपडे घालावेत, ज्यामुळे शरीरात हवेचा संचार होईल.

• झोपण्यापूर्वी काही वेळ दीर्घ श्वसन करा. तसेच ध्यान अवश्य करा.

• दक्षिणेकडे पाय करून झोपू नका.

• गुरू, देवता, त्यांच्या मूर्ति, चित्र, वस्तू तसेच आदराच्या स्थानाकडे पाय करू नये.

• स्वयंपाक घरात झोपू नये. तसेच बेडरूममध्ये खाद्यपदार्थ ठेवू नये.

• बेडरूममध्ये ताजी खेळती हवा यायला हवी याकडे लक्ष द्या.

• कधीही अंधाऱ्या, दमट आणि ओलसर खोलीत झोपू नये.

• झोपताना डोकं थोडं उंच ठेवा. त्याकरिता पातळ उशीचा वापर करा.

• उन्हाळ्यात छतावर किंवा मोकळ्या आकाशाखाली झोपू शकता. मात्र थंडी किंवा पावसाळ्यात नको.

• थेट सूर्यप्रकाशात झोपणे योग्य नाही. मात्र वातावरण चांगले असल्यास टिपूर चांदण्याखाली तुम्ही झोपू शकता.

• बेडवर स्वच्छ व मऊ बेडशीट घातलेली असावी.

• खोलीत मंद सुगंधाचा दरवळ आणि मधुर संगीत ऐकत झोपावे.

• योग्य वेळेत झोपण्याची आणि जागे होण्याची सवय लावावी.

• डोक्याला व शरीराला तेलाने मालिश करा.