Summer Animal Care important animal care tips for pet owners

अनेक लोकांना पाळीव प्राणी पाळण्याची आवड असते. घरात मांजर, कुत्रा, गाय यासारखे अनेक प्राणी पाळता येतात. यामुळे घरात एक वेगळाच आनंद असतो. पण काही लोकांना या प्राण्यांची उन्हाळ्यात कशी काळजी घ्यावी याची माहिती नसते. ज्याप्रमाणे उन्हाळ्यात आपल्याला उन्हाचा त्रास होतो तसाच त्रास प्राण्यांना देखील होतो. यामुळे प्राण्यांची कोणत्या पद्धतीने काळजी घ्यावी हे जाणून घेऊया.

• योग्य आहार

पाळीव प्राण्यांना मानवांप्रमाणेच योग्य आणि पोषक आहाराची गरज असते. कुत्रा, मांजर, गाय या प्राण्यांसाठी वेगवेगळा आहार बनवला जातो. पाळीव प्राण्यांना योग्य भांड्यांमध्ये खायला द्यावे. पाळीव प्राण्यांना मीठ, लसूण आणि कांदे खायला देऊ नका. यामुळे ते आजारी पडून मृत्युमुखी पडू शकतात.

पाळीव प्राण्यांना आवश्यक प्रमाणात खायला द्यावे. पाळीव प्राण्याला जास्त खायला दिल्याने लठ्ठपणा वाढू शकतो. ज्यामुळे हृदय, किडनीसंबंधित समस्या आणि इतर आरोग्य समस्या उद्भवू शकतात. पशुवैद्यांकडून माहिती घेऊन आहार द्यावा.

• राहण्याची योग्य जागा

उन्हाळ्यात पाळीव प्राण्यांची थंड ठिकाणी राहण्याची सोय करावी. यामुळे त्यांना उन्हाचा त्रास होणार नाही. पाळीव प्राण्यांसाठी सावली आणि थंडावा असेल अशा ठिकाणी राहण्याची सोय करावी.

• स्वच्छ पाणी

उन्हाळ्यात माणसांना जसे पाण्याची गरज असते तशीच पाळीव प्राण्यांना देखील असते. या दिवसांमध्ये पाळीव प्राण्यांना थंड आणि स्वच्छ पाणी प्यायला द्यावे. प्राण्यांचे पाणी पिण्याचे भांडे स्वच्छ ठेवावे. पुरेसे पाणी मिळाल्याने पाळीव प्राणी निरोगी, हायड्रेटेड आणि आनंदी राहतात.

• पाळीव प्राणी तंदुरुस्त ठेवावे

आजकाळ बाजारांमध्ये पेट हाऊस असल्याने कोणतेही पाळीव प्राणी खेरदी करू शकतो आणि घरी पाळू शकतो. जसे लहान बाळांना खेळायला खेळणी हवी असतात तशीच पाळीव प्राण्यांना देखील खेळण्यासाठी काही गोष्टी हव्या असतात. यामुळे त्यांचे शारिरिक आणि मानसिक आरोग्य चांगले राहते. कुत्रा, मांजर यांना खेळण्यासाठी बॉल खेळायला देऊ शकता.

• पशुवैद्याची मदत

पाळीव प्राण्यांची तसापणी करण्यासाठी आवश्यकतेनुसार पशुवैद्यकाकडे जावे. तुमचा कुत्रा किंवा मांजर माणसांपेक्षा कमी आयुष्य असल्यामुळे त्यांची वर्षातून किमान एक किंवा दोनदा आरोग्य तपासणी केली पाहिजे. जेव्हा तुमचा पाळीव प्राणी लहान असतो, तेव्हा त्यांच्या लसीकरणाच्या वेळापत्रकानुसार त्यांना अधिक वेळा पशुवैद्याकडे नेऊ शकता. यामुळे पाळीव प्राण्यांचे आरोग्य निरोगी राहते.