Skin Care Tips : हिवाळ्यात ड्रायफ्रूट्सचा आहारात समावेश करणे हे आपल्या आरोग्यासाठी अतिशय फायदेशीर आहे. ड्रायफ्रूट्समध्ये बदाम, काजू, मनुके, अक्रोड, अंजीर, पिस्ता आणि चारोळ्यांचा समावेश असतो. या सर्वांमध्ये पोषकघटकांचे भरपूर प्रमाण आढळून येते. परंतु, तुम्हाला हे माहित आहे का? की आरोग्यासोबतच आपल्या त्वचेसाठी देखील हे ड्रायफ्रूट्स अतिशय फायदेशीर आहे.

या ड्रायफ्रूट्सचा त्वचेवर वापर केल्यावर त्वचेच्या अनेक समस्या दूर होण्यास मदत होते. तसेच, त्वचेवर एक प्रकारचा सुंदर ग्लो येतो. त्वचेवर ड्रायफ्रूट्सचा वापर केल्याने त्वचेचे योग्य प्रकारे पोषण होते.

चेहऱ्यावरील काळे डाग आणि सुरकुत्या दूर करण्यासाठी तुम्ही ड्रायफ्रूट्सपासून विविध प्रकारचे फेसपॅक्स बनवू शकता. कसे बनवायचे हे फेसपॅक्स? चला तर मग जाणून घेऊयात.

बदाम फेसपॅक

बदाम हे आपल्या आरोग्यासाठी, त्वचेसाठी आणि केसांसाठी अतिशय फायदेशीर आहे. बदाममध्ये असलेल्या व्हिटॅमीन ई मुळे आपल्या चेहऱ्याची लवचिकता आणि चमक वाढण्यास मदत होते. शिवाय, चेहऱ्यावरील डाग आणि सुरकुत्या दूर करण्यासाठी बदाम फायदेशीर आहे.

बदामाचा फेसपॅक बनवण्यासाठी ५-६ बदाम रात्रभर पाण्यात भिजत ठेवा. त्यानंतर, सकाळी ते चांगल्या प्रकारे स्मॅश करून घ्या. नंतर, त्यामध्ये केळी स्मॅश करून घाला. आता हा फेसपॅक तयार आहे. हा फेसपॅक चेहऱ्यावर १५-२० मिनिटांसाठी ठेवा. त्यानंतर, चेहऱ्याचा मसाज करा आणि तुमचा चेहरा स्वच्छ पाण्याने धुवा.

अक्रोड फेसपॅक

अक्रोडचा वापर हा खास करून चेहऱ्याचे स्क्रबिंग करण्यासाठी केला जातो. त्वचा स्वच्छ करण्यासाठी आणि त्वचेवरील डाग आणि सुरकुत्या काढून टाकण्यासाठी तुम्ही अक्रोडचा चांगल्या प्रकारे वापर करू शकता.

अक्रोडमध्ये व्हिटॅमिन बी मोठ्या प्रमाणात आढळून येते. त्यामुळे, चेहऱ्यावरील काळे डाग, सुरकुत्या आणि मृत त्वचा दूर करण्यासाठी अक्रोड लाभदायी आहे. अक्रोडचा फेसपॅक बनवण्यासाठी ५-६ अक्रोड मिक्सरला चांगले बारीक करून घ्या किंवा ते क्रश करून घ्या. आता या बारीक केलेल्या अक्रोडमध्ये १-२ चमचे मध मिसळून त्याची पेस्ट तयार करा. आता ही पेस्ट चेहऱ्यावर १५-२० मिनिटांसाठी लावा, त्यानंतर चेहरा धुवून टाका.