ट्रॅफिक पोलिस (Traffic Police) अनेकदा दुचाकी चालकांना थांबवतात आणि त्यांच्याकडून चालान कापतात. पण तुमच्यासोबत कधी असे घडले की बाकीचे लोक नियम मोडत असताना त्यांना थांबवण्याऐवजी वाहतूक पोलीसांना तुम्हाला थांबवलंय आणि तुमचे चलन कापले.

दरदिवशी कित्येक लोक नियम मोडत असतात. पण काही लोकांनाच ट्रॅफिक पोलिस थांबवीत असतात. तुम्हाला माहिती आहे का Traffic Police काय बघून बाईक चालकांना थांबवतात? याविषयी आज आपण जाणून घेणार आहोत. (traffic police stop only these bike driver)

नंबर प्लेटमध्ये छेडछाड

तुमच्या नंबर प्लेटवर कोणत्याही प्रकारची छेडछाड केली असेल तर ट्रफिक पोलिस सर्वात आधी तुम्हाला अडवेल.नंबर प्लेटच्या रंगाशी छेडछाड, नंबर प्लेटवर कोणत्याही प्रकारचे स्टिकर तर ट्रॅफिकमध्ये तुम्हाला अडवले जाते. नंबर प्लेट नीट दिसत नसेल तर पोलिस थांबवतात.

अल्पवयीन वाहनचालक

१८ वर्षाखालील मुल जर बाईक किंवा गाडी चालवत असेल तर ट्रफिक पोलिस त्यांना अडवतात. कारण अशा मुलांकडे वैध असे ड्रायव्हिंग लायसन्स नसते. १८ वर्षाखालील मुलांना गाडी चालवण्याची समज नसते. असे मुलं स्वत:हून आपला जीव धोक्यात घालत असतात. त्यामुळे ट्रफिक पोलिस त्यांना थांबवतात.

जुनी गाडी

जर तुमची गाडी जुनी असेल तर ट्रफिक पोलिस तुम्हाला अडवणार. अनेकदा जुन्या गाड्यांची पीयुसी निघत नाही तरी देखील लोक त्याला वापरतात. त्यामुळे अशा गाडीधारकांना ट्रफिक पोलिस थांबतात.

मॉडीफाय बाईक

अनेक लोकांना त्यांच्या बाईक मॉडीफाय करण्याची सवय असते. तरुणांमध्ये मॉडिफाय गाडी करण्याचा ट्रेंड चांगलाच गाजतोय पण तुम्हाल माहीत असेल की दुचाकी मॉडीफाय करणे हे वाहतून नियमांचे उल्लंघन आहे. त्यामुळे अशा बाईककडे सर्वात आधी ट्रफीक पोलिसांचे लक्ष जाते.

हेल्मेट न घालणे

जर तुम्ही हेल्मेट घातलेले नसेल तर ट्रफिक पोलिस सर्वात आधी तुम्हाला पकडतील. आणि हे खुप सामान्य कारण आहे. अनेक ठिकाणी हेल्मेट घालणे सक्तीचे केले आहे. त्यामुळे ट्र्फिक नियमांचे पालन करणे अत्यावश्यक आहे.