सध्याच्या काळात सोशल मीडिया हे प्रभावी माध्यम झालं आहे. त्यामुळे कोणताही फोटो किंवा व्हिडीओ कमी कालावधीत तुफान व्हायरल होतो. विशेष म्हणजे हे व्हायरल होणारे फोटो किंवा व्हिडीओ सेलिब्रिटीदेखील शेअर करत असतात. अलिकडेच माजी भारतीय खेळाडू व्ही.व्ही. लक्ष्मण याने एक भन्नाट फोटो शेअर केला आहे. या फोटोमध्ये एक महिला सोलार पॉवरच्या मदतीने चक्क मक्याचे कणिस भाजतांना दिसत आहे.

भाजलेली मक्याची कणसं साऱ्यांनीच खाल्ली असतील. पावसाळा सुरु झाला की सर्वत्र कोळश्यावर भाजलेली मक्याची कणसं दिसून लागतात. परंतु, बंगळुरु येथील एका महिलेने कोळश्याऐवजी चक्क सोलार पॉवरच्या मदतीने ही कणसं भाजली आहेत. त्यामुळे सोशल मीडियावर या महिलेची जोरदार चर्चा रंगली आहे. विशेष म्हणजे व्ही. व्ही. लक्ष्मण याने या महिलेचा व्हिडीओ शेअर करत आश्चर्य व्यक्त केलं आहे. 

बंगळुरू येथे राहणाऱ्या सेल्वमा या ७५ वर्षीय आजीबाई सोलार पॉवरच्या मदतीने मक्याची कणसं भाजून देतात. विशेष म्हणजे त्या सोलार पॉवरवर केवळ मक्याची कणसंच नव्हे तर फॅन,लाइट्सदेखील चालवतात.

हेही वाचा : गावकऱ्यांची कमाल!१५ फूट खोल विहिरीत अडकलेल्या हत्तीची केली सुटका

लक्ष्मणने सेल्वमा यांचा व्हिडीओ शेअर केल्यानंतर सोशल मीडियावर त्यांची जोरदार चर्चा रंगू लागली आहे.