Winter Care Tips : हिवाळ्याला सुरूवात झाली म्हणजे धुके आणि कडाक्याची थंडी. या काळात लोक कोरड्या त्वचेपासून अनेक आजारांना सामोरे जातात. या काळात अगदी निरोगी व्यक्तीलाही कधी ना कधी सर्दी होतेच. लहान बालकानाही या काळात साथीचे आजार होतात.

आजार आला म्हणजे औषध पाणीही आलं. वृद्धांना आधीच इतर औषध सुरू असतात. तर लहानांना औषध खाण म्हणजे नको वाटत. त्यामुळं औषधांशिवाय आजार पळवण्यासाठी एक सोप्प उपाय आज आम्ही तुम्हाला सांगत आहोत.

नाश्त्याला खाल्ला जाणारा शिरा तुम्हाला सर्दी पडशापासून आराम मिळवून देतो. फक्त तो शिरा रव्याचा नाही तर दुसऱ्याच पदार्थाचा आहे, तो कोणता आणि कसा करायचा हे पाहूया.

आज आम्ही तुम्हाला बेसनाच्या शिऱ्याबद्दल सांगत आहोत. हा शिरा खाल्ल्याने सर्दी-खोकल्यापासून त्वरित आराम मिळतो. शिवाय, हे इतके चविष्ट आहे की मुले ते अगदी आनंदाने खातात. चला जाणून घेऊया बेसन शिरा बनवण्याची रेसिपी.

साहित्य: एक चमचा तूप, दोन चमचे बेसन, एक ते दोन खजूर, चिमूटभर काळी मिरी पावडर, वेलचीपूड, चिमूटभर हळद, एक वाटी दूध.

कृती: तवा गरम करून त्यात एक चमचा तूप घाला. तूप गरम झाल्यावर दोन चमचे बेसन घालून सोनेरी होईपर्यंत परतून घ्या. त्यानंतर चिमूटभर हळद घाला. काळी मिरी पावडर, वेलची पावडर. थोडावेळ परतून झाल्यावर त्यात चिरलेला खजूर घाला.

मिश्रण सतत ढवळत राहा. लागेल तसे दूध घाला जेणेकरून गुठळ्या होणार नाहीत. थोडावेळ शिजू द्या, जास्त पातळ करू नका. जाड म्हणजे ते चमच्याने उचलून खाता येईल. तुम्हाला हे खायचं नसेल तर पिऊही शकता. फक्त ते ग्लासमध्ये ओतून त्यात हवं तेवढं गरम दूध घालून मुलांना देऊ शकता. याचे सेवन केल्याने मुलांचा कफ,सर्दी छुमंतर होते.